Nafarren laurdena pobrezian edo egoera horretan egoteko zorian dago
Populazioaren %10,9 bazterkeria egoeran dago, eta %14,5 arriskuan, biak Espainiako Estatuko daturik txikienak Arope tasaren arabera, Unai Hualde Foru Legebiltzarreko lehendakariak azpimarratu duenez.
aurre egingo dieten hedabide independenteak
Lau nafarretatik bat gizarte bazterkeria edo egoera horretan egoteko zorian dago. Hori da pobreziaren inguruko ikerketak egiten dituen Arope tasak dioena, Unai Hualde Foru Legebiltzarreko lehendakariak aipatutakoaren arabera. Hala ere, datuen irakurketa positiboa egin zuen: “[Estatu mailan] pobreziaren indize txikienak dituen erkidegoa da Nafarroa, biztanleriaren %10,9, eta baita arriskuan dauden biztanleena ere, %14,5”.
Urriaren 17an Legebiltzarrean Pobrezia Desagerraraztearen Aldeko Nazioarteko Egunaren harira urtero Gizarte Erakundeen Plataformarekin (GEP) batera egiten den ekitaldian Hualdek azken berriak ekarri zituen gogora: “Gaur bezalako egun batean, Palestinaz eta Mediterraneoko eta Atlantikoko migrazio mugimenduez oroitu behar dugu. Oso ankerra da. Gai horietan ez dago alderdikeriarik. Agintzen duena edozein dela ere, bazterketarik gabeko gizarte baten alde lan egin behar da”.
Nafarroakoa “hurbilen ditugun errealitateei eta baita gure mugetatik kanpokoei ere arreta berezia eskaintzen dien Parlamentua” dela adierazi zuen. “Baina adostasun handiak behar ditugu pertsona guztiei eskubide guztiak bermatzeko”.
Zentzu horretan, Voxen jarrera deitoratu zuen, pobrezia erauztearen aldeko GEParen eta Legebiltzarraren testu bateratuaren onarpena blokeatu baitzuen: “Gaurko ekitaldirako ezin izan dugu adierazpen instituzional bat onetsi, Voxen babesik gabe ezinezkoa den ahobatezko eskaera dela eta", azaldu zuen. Hala ere, Maite Nosti alderdi ultraeskuindarreko parlamentaria beste politikariekin eta GEPen ordezkariekin batera ipini zen ekitaldiko argazki ofizialean.
GEP honako elkarte hauek osatzen dute: Nafarroako GKEen Koordinakundea, Ekonomia Alternatibo eta Elkartasunezkoaren Sarea (REAS Nafarroa), Pobreziaren eta Gizarte Bazterkeriaren Kontrako Nafarroako Sarea eta Desgaitasuna duten Pertsonak ordezkatzen dituzten Nafarroako Erakundeen Batzordea (CERMIN). Justizia sozialaren alde lan egiten duten 160 erakunde dira guztira, besteak beste, SOS Arrazakeria, Paris 365, CEAR edo Lantxotegi.
Jon González eta Andrea Corera GEPeko ordezkariek "Nafarroako pobrezia eta desberdinkeria desagerrarazteko" eta "herrialde pobretuekiko konpromisoa indartzeko" deia egin zieten urriaren 17an indar politikoei: "Nafarroan 96.000 pertsona pobrezia arriskuan daude. Erregistroak are okerragoak dira desgaitasunaz ari bagara, batez besteko errenta txikiagoa baita eta gastuak, berriz, handiagoak. Aurreiritziek eta diskriminazioak izugarri zailtzen dute gizartean eta lan-munduan sartzea".
Egoera "zail eta korapilatsu" horren erdian, GEPek "eredu ekonomiko solidarioak indartzea" eskatzen du, tokiko ekonomia lehenesten dutenak, enplegu duinak bermatzen dituztenak, ingurumen-konpromisoa dutenak eta bazterketa arriskuan dauden pertsonei aukerak eskaintzen dizkietenak.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Kalea bilakatu da espazio publiko. Ezarri zaio ordena diseinuaren, arauen eta zaintzaren bitartez. Higienismo garaikidea aztertu dugu Bilboko errealitatea ardatz hartuta.
Larunbat gauean gizon batek Bilboko Zorrotzaurreko pabiloi bat erre zuen, bertan bizi diren etxegabetutako pertsona batzuen kontra egiteko. Lekukoen arabera, 33 urteko gizonak errezelei su eman zien bertan zeuden batzuekin eztabaidatu ondoren. Bestetik, pasa den astean... [+]
Zenbait urtetatik hona sarri entzuten dugun kontzeptua da zaurgarritasuna. Gaur gaurkoz, diskurtso politikoetan pertsona zaurgarriez aritzea ohikoa da. Seguru nago nik ere inoiz erabili dudala berba hori Bizilan.eus webgunean, eskubide laboralak eta prestazio sozialak azaltzeko... [+]
Wikipedian bilatu dut hitza, eta honela ulertu dut irakurritakoa: errealitatea arrazionalizatzeko metodologia da burokrazia, errealitatea ulergarriago egingo duten kontzeptuetara murrizteko bidean. Errealitatea bera ulertzeko eta kontrolatzeko helburua du, beraz.
Munduko... [+]
Paris 365 jantokiak ez ditu martxora arte aurrez aurreko afariak emango eta erakundeei inplikazioa eskatu die konponbidea lortzeko.
Munduko populazioaren ia erdiak baino bi aldiz gehiago kutsatzen du aberastasun gehien pilatzen duen %1ak. Munduko aberatsenek hamar egunetan isuri duten kantitatera heltzeko, ia hiru urte beharko lituzke munduko aberastasunaren eskalan erditik behera dagoen herritar batek.
Iazko martxoaren 14an, polizia operazio handi bat izan zen Martuteneko Agustindarren eraikin okupatuan, Udaltzaingoaren, Ertzaintzaren eta Espainiako Poliziaren eskutik: 56 lagun atera zituzten eraikinetik eta 29 Espainiako Poliziaren komisariara eraman zituzten,... [+]
Bide honetatik jarraituta, mende amaierarako, 5.000 milioi pertsona baino gehiago biziko dira lur idorretan. Arazo humanitario, ekonomiko eta sozial ugari eragingo lituzke horrek.
.jpeg)
Paris 365 elkarteak 15 urteurrena ospatu zuen larunbatean Geltokin. 15 urte gosariak, bazkariak eta afariak egunean euro baten truke zerbitzatzen urteko 365 egunetan horren beharra duten guztiei. “Atsedenik gabe”, azpimarratu nahi izan zuten bezala. Horrez gain,... [+]
Duin bizi ahal izateko prestazio ekonomikoa jasotzen dutenak lupapean ditu, berriro ere, Eusko Jaurlaritzak: postontzia jarri du martxan, herritarrek modu anonimoan “jardun irregularren edozein susmo” jakinarazi dezaten, eta Lanbideko Kontrol Unitatea indartu du,... [+]
Bizitegi elkarteak 2016a geroztik antolatzen duen duen film eta antzerki jaialdia jada abian da Bilbon.
Gasteizko Errotako (Koroatze) auzoan izan diren manifestazio "anonimoek" kolokan jarri dute auzokoen arteko elkarbizitza. Azalera atera dituzte ere hauetan parte hartu duten partidu politiko batzuen eta beste kide batzuen izaera faxista eta arrazista.
Kaleko Afari Solidarioak (KAS) egitasmoko kidea da Ixiar Gonzalez Gurrutxaga. Donostiako Udalak asteazkenean debekatu egin die behar dutenentzako otordu beroak eskaintzen jarraitzea. 18:00etan prentsaurrekoa deitu dute beren erantzunaren berri emateko. "Hiru aukera ditugu:... [+]
Donostiako Kaleko Afari Solidarioak (KAS) taldeak ezin izango ditu otorduak eman ostegunetik aurrera, Egian behintzat. Hala jakinarazi diete udaltzainek asteazken iluntzean, ahoz, antolatzaileei, baimenik ez dutela eta Donostiako Udalaren erabakia dela argudiatuta. Asteazken... [+]