Murgiltze ereduaren aldeko manifestazioan 10.000tik gora lagun bildu dira Baionan
Frantziako Konstituzio Kontseiluak murgiltze eredua legez kanpo utzi eta gero irakaskuntzako eragileek, gizarte eragileek eta agintari politikoek euskarazko irakaskuntzaren aldeko aldarria egin dute larunbatez Baionako kaleetan.
aurre egingo dieten hedabide independenteak
Antolatzaileen batuketaren arabera, 10.000 lagun bildu dira protestan eta suprefeturaren arabera 6.000 lagun. Bestetan ez bezala, Hego Euskal Herritik jendeak nekezago egin du Baionarako bidea, pandemia argudiotzat hartuta muga igarotzeko oztopoak baitaude.
Manifestazioaren abiaburuan “Euskarak murgiltzea behar du!” leloa duen pankarta eraman dute. Lehen lerroan izan dira 2021-2022 ikasturtean murgiltze eredua esperimentatzeko prest ziren lau ikastetxeetako ordezkariak, alegia, Larraine, Idauze-Mendi, Aiherra eta Orzaize eta Arrosakoak. Eredu hori probatzeko aukera orain airean gelditu da. Lau ikastetxeetako ordezkarien ondoren, dagoeneko murgiltze ereduan irakaskuntza eskaintzen ari diren ikastetxe pribatuetako, publikoetako eta Seaskako ordezkariak izan dira.
Irakaskuntzako ordezkariez gain, Naiz egunkariak adierazi duenez, kolore askotako agintari politikoek hartu dute parte. Deigarria, esate baterako, Biarrizko alkate Maider Arosteguy eskuin kontserbadorekoa.
Frantziako Estatuko beste hainbat tokitan ere antzeko mobilizazioak izan dira Pour Que Vivent Nos Langues ekimenaren pean, Konstituzio Kontseiluaren erabakiak euskararen irakaskuntzari ez ezik, estatuko beste hizkuntza gutxituen irakaskuntzei ere eragiten dielako.
Berria egunkariak Paul Molac elkarrizketatu du, 2020ko otsailean Hizkuntzen Ondarea Babesteari eta Sustatzeari Buruzko Legea Frantziako Asanblean aurkeztu zuen diputatu bretoia. Konstituzio Kontseiluaren erabakiaren ondoren, murgiltze ereduak atzera egiteko daukan arriskuagatik duen kezka ez du ezkutatu: “Hauteskunde garaian gaude: orain eskualde eta departamenduetakoak, eta heldu den urtean presidentetzakoak. Zer gertatuko da 2022aren ondoren? Blanquer Hezkuntza ministro izanen da oraindik? Hala bada, okerrena espero dut. Edo erabat gure hizkuntzen kontra den presidente bat? Hori ere posible da. Batasun Nazionala ez da bereziki gure hizkuntzen aldekoa, eta Marine Le Pen presidente hautatua izan daiteke. Beraz, bai: mehatxua biziki argia da. 2022ra arte, ez, baina ondotik...”.
IFOP institutuak eginiko ikerketa ezaguratarazi du Eskualde eta Herri Solidarioen Federazioak Korsikan, eta ondorioztatu dute Frantziako Estatuan biztanleen erdiak nahiko lukeela bere eskualdeak autonomia handiagoa izatea.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
Euskal Herrian euskara "hainbatetan ukatua edo bigarren hizkuntza bezala tratatua" dela salatu du EHEk, eta egoera hobetzeko hizkuntza politiketan jauziak egitea ezinbestekoa dela adierazi du. Hori dela eta, elkarretaratzeak egingo ditu Maulen, Donapaleun eta Baionan,... [+]
Egoerak bere horretan segituz gero, Euskal Hirigune Elkargoak ez du izenpetuko EEP Euskararen Erakunde Publikoa osatzeko hitzarmen berria. Orain artekoa urte hondarrean bukatuko denez, baliteke 2026an ofizialtasunik gabe izateaz gain, hizkuntza politika bideratzeko egitura... [+]
Euskalgintzako hainbat eragile Baionako karriketara atera dira EEPren finantzaketaren inguruko kezkak agertzeko. 2017tik izozturik den aurrekontuaren aurrean, Frantziako Estatuak iragarritako 100.000 euroko igoera "trufa" gisa salatu dute.
Dozenaka lagunek agerraldia egin dute astelehen arratsaldean Baionan, Pirinio Atlantikoetako Departamenduaren egoitzaren aurrean. Frantziak EEPn 100.000 euro gehiago inbertituko dituela iragarrita, euskararen etorkizuna bermatzeko hizkuntza politikak "ausardia eta... [+]
"Egungo baldintzetan" EEP Euskararen Erakunde Publikoak berritzeko hitzarmena sinatuko ez duela mehatxu eginda, Euskal Hirigunearen Elkargoak sei hilabete eman die erakunde publikoa osatzen duten partaideei Parisekin negoziatzen jarraitzeko. Astelehenean agerraldia egin... [+]
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Bordeleko Errektorearekin hitzartu du "behin-behineko" akordioa Seaskak. Horrez gain, Euskararen Erakunde Publikoarekin eta Frantziako Hezkuntza Ministerioarekin hitzarmena sinatzeko negoziaketak abiatuko dituzte hurrengo astean. Azterketak euskaraz egiteko aukera... [+]
Azterketa euskaraz egitea debekatzen dietela salatu du Baionako Bernat Etxepare lizeoko Euskal Herrian Euskaraz taldeak. Pasaden urtean egindako eskakizunei jarraiki, aurten ere azterketak euskaraz egiteko eskatu dute.
2026ko hauteskundeei begira, zutabe bat ireki du Enbata-k. Plantan emanak izanen diren zerrenda abertzaleen hautagaiei ideia kutxa bat eskaini nahi die, beren programak Herriko Etxeen eskumeneko sail ezberdinetan eraikitzeko. Hilabete honetan, Herriko Etxeek euskararen alde egin... [+]
Euskal hizkuntzalaritza esperimentaleko katedra berria estreinatu dute Baionako fakultatean.
25 bat eragilek adierazi diete elkartasuna apirilaren 11n Baionako auzitegian epaituko dituzten Intza Gurrutxaga eta Gorka Torre Euskal Herrian Euskaraz taldeko kideei. Egun batzuk lehenago, apirilaren 6an Baionan eginen den manifestazioan parte hartzeko deia ere luzatu dute.
Plazara, AEK, Uda Leku, Dindaia eta Ebete antolakundeak Baionan elkartu dira Famili'on egonaldi ibiltariaren lehen edizioa aurkezteko. Hizkuntza mailaren arabera eskaintza bat edo beste egongo da eta haur zein gurasoentzat izango da udaberrian.
Hizkuntzarako ere gurasoak haurrentzako eredu direla kontuan hartuta, euskararen erabilera eta irakaskuntzari buruz sentsibilizatzeko helburua duen hamabostaldia antolatu dute Hendaia, Urruña, Donibane Lohizune eta Ziburuko herriek. Martxoaren 15etik 30era guraso... [+]