Errekor berria asteko positiboetan: 2,8 milioi lagun daude COVID-19az kutsatuta munduan

  • Urriaren 19tik 25era 2,8 milioi positibo baino gehiago zenbatu ziren munduan. Europan 1,3 milioi: kutsatuen kopuru handiena duen kontinentea da.  


2020ko urriaren 28an - 11:32
Azken astean kasuak gehien non ugaritu diren argitaratu du OMEk.

Osasunaren Mundu Erakundeak (OME) astearte honetan jakitera eman duenez, pandemiak eztanda egin zuenetik mundu osoan koronabirusaren kasu berri gehien antzeman diren astea joan deneko hau izan da. Marka berri bat ezarri da 2,8 milioi kutsatuekin eta Europa da, bigarren astez jarraian, positibo berri gehien dituen kontinentea. 

Datu horiek "pandemia hasi zenetik izandako gorakada esponentzialerako tarterik laburrena dira", eta heriotza kopurua "aurreko asteetakoarekin aldera daiteke", gaineratu du erakundeak astearte honetan aurkeztutako txostenean.

Urriaren 19tik 25era 2.884.604 positibo berri detektatu dira eta 39.712 pertsonak bizia galdu dute gaixotasunaren ondorioz. Horrek esan nahi du, erregistratutako kasuen kopurua %16 igo dela aurreko astearen aldean, eta hilkortasunarena berriz %8.

Bigarren astez jarraian, erakundeak nabarmendu duenez, Europak izan du kasuen hazkunderik handiena, 1,3 milioitik gora (%33). "Aste honetan mundu osoan eman diren kasu berri guztien ia erdia", nabarmendu du OMEk. Bestalde, heriotza kopuruak gora egiten jarraitzen du kontinente zaharrean, % 35eko hazkundearekin. 

Europaren atzetik Ameriketako Estatu Batuak eta Latinoamerika daude kutsatu gehien dituzten munduko zonaldeen artean. Aldiz Asiako hego ekialdean kasuek eta heriotza kopuruek behera egiten jarraitzen dute, eta Ozeano Barean ere behera egin du azken zazpi egunetan.

Azken astean kasu gehien zenbatu dituzten herrialdeak, aurreko hiru asteetako berberak dira: India, AEBak, Frantziako Estatua, Brasil eta Erresuma Batua.

Datu metatuei erreparatuz gero, munduko koronabirus kasuen kopurua 44 milioi ingurukoa da eta gaixotasunak eragindako heriotzak dagoeneko 1,15 milioi baino gehiago dira.

 


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude