Mugikorrak ez, baina Chromebookak bai?
“Pantaila aurrean denbora gutxiago igarotzeko esaten diegu gazteei, eta aldi berean ikastetxean derrigortzen ditugu gailu digitaletara konektatzera”. Eskoletako digitalizazio prozesuei frenoa jartzeko eta teknologiak (ez bakarrik hezkuntzan) gure gain duen kontrolaz eta eraginaz gogoetatzeko premia nabarmendu du Off mugimenduak.
aurre egingo dieten hedabide independenteak
Mugikorretatik harago, tabletek, ordenagailuek eta pantailek oro har gure bizitzetan hartu duten nagusitasunaz hausnartzeko beharra azaleratu dute han-hemenka sortzen ari diren mugimendu herritarrek. Off mugimendua duela hilabete batzuk jaio zen Espainiako Estatuan eta babes ugari jaso du, tartean dira Euskal Herriko sinatzaileak ere. Garapen teknologikoa gizakion mesedetara egon dadila eskatzen dute, ez alderantziz, eta salatzen dituzte enpresa handien interesek gidaturiko teknologiak gure gain duen kontrola, “teknologiaren erabilera indiskriminatua” eta “datu pertsonalen urraketa”. Teknologia berri bakoitzaren aurrean protokoloak ezartzea, deskonexiorako aukera bermatzea, formazioa sustatzea… beharrezko dela diote.
“Hezkuntzak lagundu behar du hiperkonexioa mugatzen”
Hezkuntzan eta haur eta gazteengan foku berezia jarria du Off mugimenduak. Hiperkonexioa murrizten lagundu beharko luke hezkuntzak, ez areagotzen, baina ez ote garen sarri itsu-itsuan teknologia digitalaren dirdiran erortzen ari, modernitatearen izenean. Aldiz, ahots batek baino gehiagok auzitan jarri du dagoeneko teknologiak per se hezkuntzari mesede egingo dion ustea, eta kontrara, hainbat esparrutan kaltegarria izan daitekeela ere ohartarazi dute (ARGIAn sakon idatzi genuen gaiaz: Teknologiarekiko lilurak ez dezala hezkuntza itsutu).
Hezkuntza arlorako bost proposamen egiten ditu Off mugimenduak: ikas-liburuak beti paper formatuan egon daitezela bermatzea; ikasgelan pantailak erabiltzea salbuespenezko egoeratan baino ez (ez daitezela izan gailu digitalak eguneroko errutinaren parte); ikasle, familia eta irakasleen deskonexiorako eskubidea ziurtatzea; digitala objektua izatea eta ez ikasteko baliabide; eta hori guztia lortu bitartean, pantailarik gabeko alternatiba eskaintzea: pantailarik gabeko lerro bat eskaintzea maila guztietan, deskonexiorako eskubidea eskatzen duten familientzako.
Proposamenetako bat da pantailarik gabeko lerro bat eskaintzea maila guztietan, deskonexiorako eskubidea eskatzen duten ikasleentzako
Eskolen digitalizazioa ebaluatzen ari al gara?
Frantziako Estatuan ere bada mugimendurik, hezkuntzan teknologia digitalen inplementazioak hartu duen abiadurarekin kezkatuta. “Tabletak eta gailu digitalak bilakatu ditugu ikasketaren elementu pribilegiatu edo bakarra, eta horrela ikasleak bultzatzen ditugu denerako eta edozertarako gailu horiek erabiltzera; ez ditugu haurrak erabiltzaile informatu bihurtzen, algoritmoen menpe dauden kontsumitzaile gatibu baizik”, dio hezkuntza komunitateko eragilez osatutako CoLINE kolektiboak, ARGIAn kontatu genuenez. Eskolen pantailekiko gehiegizko esposizioa normalizatzen ari dela salatu izan dute, eta Frantziako Hezkuntza ministroari ere idatzi diote, ikastetxeetan egiten ari diren digitalizazio prozesuaren inguruan eztabaidatu eta gogoetatu dadila eskatuz: “Frantziako Hezkunde Nazionaleko Ministerioak dena ebaluatzen du, salbu eta teknologiaren erabilera. Duela urte batzuetatik High School 4.0 eredua orokortu da hainbat ikastetxetan, eta ez dute inpaktua ebaluatzeko asmorik, are gehiago, auzitan jartzea aurrerapenaren kontra joatea da”.
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]