Ingurune digitalean moldatzen irakatsi ordez, zuzenean eskolak pantailaz eta teknologia digitalez betetzen ari direla eta gogoetarik gabeko bide arriskutsua egiten ari garela salatu du CoLINE kolektiboak. Haur eta gazte bakoitzari tableta edo ordenagailu eramangarria emateak ez duelako ikasketa hoberik bermatzen, alderantziz, hainbat gaitasun kamusten eta bestelako ondorio kaltegarriak garatzen ari direla uste dute, eta eskutitz irekia bidaliko diote Frantziako Hezkuntza ministroari.
Bitarteko digitala eskolako erreminta nagusi bihurtu da eta denerako erabiltzen da, horrek dituen arriskuekin. Hala salatu du hezkuntza komunitateko eragilez osatutako CoLINE kolektiboak, Le Comptoir agerkarian.
“Ados, ume askok orduak igarotzen dituzte pantailen aurrean eskolatik kanpo, baina ikastetxeak izan behar luke bestelako proposamenak eskaintzen dituen lekua, deskonektatzeko eta gehiegizko esposizio digitalaren arriskuez kontzientzia garatzeko lekua, ez bada propio heziketa digitalerako ikastorduetan”. Izan ere, CoLINE ez dago heziketa digitalaren aurka, elementu digitala eskolaren oinarri bihurtu izanak kezkatzen ditu. Hainbat ikastetxetan, pixkanaka papera desagertzen doala eta testu-liburu digitalak erabiltzen dituztela adierazi dute, eta ordenagailu eramangarriarekin daudenean ikasleek eskolako zereginetan ez beste kontu andanatan igarotzen dutela maiz denbora. Alegia, eskolaz kanpo dagoeneko nahikoa denbora pasatzen dugu pantailen aurrean, eta ikastetxean ere pantailetara jotzeak menpekotasun digitala sustatu baino ez duela egiten diote: bizitza pantailen aurrean egitera eta gero eta gehiago kontsumitzera animatzen ditu ikasleak hezkuntza sistemak, salatu du elkarteak.
Gurasoen %76k uste du teknologia digitalean haurra zenbat eta lehenago murgildu, orduan eta hobeto moldatuko dela, baina ingurune digitalera egokitzeko haur eta gazteei zuzenean ordenagailua eta tableta ematea ez da bide ona, CoLINEn arabera: “Aditu askoren esanetan, teknologia digitalarekin eroso sentitzeko lehenengo oinarrizko beste ezagutza batzuk barneratu behar dira, irakurketa, matematikak… Esposizio digital goiztiarrak pantailekiko erakargarritasuna handitzea baino ez dakar; teknologia hauek une egokian erabiltzen ikastea funtsezkoa da”.
"Gailu digitala bilakatu dugu ikasketaren elementu pribilegiatu edo bakarra, eta horrela ikasleak bultzatzen ditugu denerako eta edozertarako gailu horiek erabiltzera"
Burmuina beharrean, ordenagailua piztearen kalteak
Pantailekiko esposizio goiztiar eta gehiegizkoak garapen orokorrean, hizkuntzan eta ikasketetan sor ditzakeen nahasmenduak frogatuta daudela dio CoLINEko kide eta logopeda den elkarrizketatuak.
Memorizatzeko, kontzentratzeko, planifikatzeko, identifikatzeko… trebezia kognitiboak gehiegi delegatzen ari garela eta trebezia horiek galtzen ari garela diote. “Testu-iruzkin bat egiteko eskatu eta lehenengo kolpean ikasleak ordenagailua piztuko du, ez burmuina, pentsatzeko bere gaitasunean konfiantza galdu izan balu bezala”.
“Pentsamendu modernoak dio gaur egungo haurrak, natibo digital izanik, ongi moldatzen direla gailuekin, multitasker direla, euren burmuina ongi egokitzen dela teknologiara eta arreta arazoei aurre egiteko eta etorkizunerako prestatzen dituela… baina ikerketa serioek hain justu kontrakoa diote”. ARGIAn argitaraturiko artikuluaren arabera, Teknologia pixka bat baliatzea ona da hezkuntzan, baina asko baliatzeak ez du laguntzen. Eta Frantziako Hezkuntza Ministerioak berak esana du gailu digitalen erabilera handiak emaitzak okertzen dituela, gogoetari, irudimenari eta sentsibilitateari kalte egiten diela, eta desoreka sozialak areagotzen dituela. Pantailekiko gainesposizioak osasunean, hizkuntzan, arretan, jarreran, harremanetan, baita hainbat patologia garatzeko arriskuan duen eragina zerrendatua du, gainera.
"Aditu askoren esanetan, teknologia digitalarekin eroso sentitzeko lehenengo oinarrizko beste ezagutza batzuk barneratu behar dira, irakurketa, matematikak… Esposizio digital goiztiarrak pantailekiko erakargarritasuna handitzea baino ez dakar"
Teknologiaz inguratutako munduan, teknologiarik gabeko eskola?
Ikasleen lehen urteetatik hezkuntzak hartu duen bideaz eztabaidatzea eta gogoetatzea eskatzen du kolektiboak: “Frantziako Hezkunde Nazionaleko Ministerioak dena ebaluatzen du, salbu eta teknologiaren erabilera. Duela urte batzuetatik High School 4.0 eredua orokortu da hainbat ikastetxetan, eta ez dute inpaktua ebaluatzeko asmorik, are gehiago, auzitan jartzea aurrerapenaren kontra joatea da”.
Eta berriz azpimarratzen dute elkarrizketatuek: teknologiaz inguratutako mundu honetan, helburua ez da beste alde batera begiratzea, eskolan benetako heziketa digitala garatzea baizik: “Teknologia hauek inteligenteki erabiltzen irakasteko, gela egokituak eta marko pedagogiko aproposa eskaini beharko litzateke, baina horren ordez tabletak banatzen ditugu, gailu digitala bilakatu dugu ikasketaren elementu pribilegiatu edo bakarra, eta horrela ikasleak bultzatzen ditugu denerako eta edozertarako gailu horiek erabiltzera; ez ditugu haurrak erabiltzaile informatu bihurtzen, algoritmoen menpe dauden kontsumitzaile gatibu baizik”.
Politika horien atzean, negozio itzela dagoela ere gogoratu dute kolektiboko kideek, hezkuntza merkatu erakargarria baita multinazional digital erraldoientzat.
Elkarrizketa frantsesez osorik irakurtzeko, sartu lotura honetan eta honetan.
EHU-Palestinak agerraldia egin du gaur, Ignazio Barriola ikasgelategian; sarearen jardueraren berri emateaz gain, EHUko errektoretzarekin izandako harremanak jakitera eman nahi izan dituzte, eta emaitza horien inguruko posizionamendua ezagutarazi.
Espainiako Estatuko presidente Pedro Sanchezek duela sei hilabete agindu zuen “txiringito pribatuei” muga jarri behar zitzaiela. Tamaina, irakasleak, ikerketa eta finantziazio kaudimena dira ezarri berri diren oinarrizko baldintzak.
ARGIAren komunikazio proiektua barrutik ezagutu eta kazetari gisa trebatzeko aukera zabalduko dugu. 2026an gure erredakzioan praktikak egin nahi badituzu, animatu eta aurkeztu zaitez azaroaren 6an egingo dugun azterketara. Kazetaritzako, Ikus-entzunezko Komunikazioko,... [+]
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.