Lanbide Heziketa euskalduna, noizko?
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu diote 750 irakaslek baino gehiagok Eusko Jaurlaritzari.
Urte luzetako aldarria lehen lerrora berrekarri dute egunotan EAEko Lanbide Heziketako hainbat irakaslek: Gasteiztik Bilbora, hiru eguneko bizikleta martxa egiten ari dira, ekintza ugari tarteko, Lanbide Heziketa euskalduntzeko apustu sendorik ez dagoela iritzita kezka horren inguruan eztabaidatu, gogoetatu eta saretzeko.
Lander Labajo irakaslea da Barakaldon, eta bertako adibidea jarri dio ARGIAri: “Barakaldon, Lanbide Heziketako ikasketen %70 erdara hutsean dira eta %30 baino ez euskaraz. Kontua da ikasle gehien-gehienak D eredutik datozela, aurreko ikas-ibilbidea euskaraz egin duelako %90ak baino gehiagok, zergatik da orduan eskaintza gehiena gaztelaniaz? Lanbide Heziketan, A eredua hegemonikoa da Bilbo Handian, Araban eta Gipuzkoako hainbat lekutan, eta horrek esan nahi du ikasle askok euskara batere entzun gabe egiten dituela Lanbide Heziketako urteak”.
Lanbide Heziketa euskalduna izatetik “oso urrun” dagoela adierazi digu Labajok, “ez dagoelako LH euskalduntzeko plan estrategikorik, ez dago bide-orririk Eusko Jaurlaritzako Hezkuntza Sailaren eta Lanbide Heziketako arduradunen aldetik”.
Nola da posible ikasleen gehiengo handiak D ereduan egitea derrigorrezko hezkuntza, eta horietako askok gero gaztelania hutsean egin behar izatea Lanbide Heziketako urteak?
Euskara aipatu ere egiten ez duen Lanbide Heziketaren plana
Txirrindulanbidea bizikleta martxak aprobetxatuko du ostegun goiz honetan egingo den hitzordu garrantzitsura gerturatzeko. Lanbide Heziketa eskoletako 750 irakaslek baino gehiagok sinaturiko aldarrikapen sorta irakurriko dute Lakuaren aurrean, Lanbide Heziketako Hizkuntza Normalkuntza arduradunek. Gogoratu dute Lanbide Heziketaren planean ez dela euskara aipatu ere egiten, zer eta euskarak zutabe nagusia izan behar lukeenean.
Aldarrikapenetan, bide-orri bat eta plan estrategiko bat eskatu diote Hezkuntza Sailari, derrigorrezko hezkuntza ibilbidean euskarak duen eskaintzaren parekoa izan dadin Lanbide Heziketan ere. Nola da posible ikasleen gehiengo handiak D ereduan egitea derrigorrezko hezkuntza, eta horietako askok gero gaztelania hutsean egin behar izatea Lanbide Heziketako urteak?
Horri lotuta, ikasleak euskaraz matrikulatzeko kanpaina “ganorazkoa eta indartsuagoa” behar dela aldarrikatu dute. Tartean, informazio falta aipatu dute. Eskaintzaren zati handi bat A ereduan baino ez izateak ere badu zerikusirik. Azken finean, aurreko hizkuntza ibilbidearekiko haustura nabarmena da: 2021eko datuak kontuan hartzen baditugu, esaterako, DBHn ikasleen %71k D ereduan ikasi zuen, euskaraz, baina Lanbide Heziketara pasa eta ikasleen %24k baino ez zuen ikasi D ereduan Lanbide Heziketa.
"Zergatik eskatzen dira oraindik euskarazko hizkuntz profilik ez duten irakasleak?"
Aldarrikapen zerrendari jarraiki, “egungo irakasle guztiek euskara gaitasuna izan beharko lukete”, diote. ARGIAn kontatu genuenez, “urtetan irakasleak sartu dira Lanbide Heziketan beharrezkoa den euskarazko hizkuntz eskakizunik gabe, eta beraz, euskaraz irakasteko gai ez diren irakasleak ditugu. Galdera da, zergatik eskatzen dira oraindik euskarazko hizkuntz profilik ez duten irakasleak?".
Garbi dute sinatzaileek: “Euskaraz matrikulatu eta euskaraz ikasteko aukera hartu duten ikasle horiei lehentasuna eman behar genieke, bidea eman ikasle horiek euskaraz ikas dezaten, talde kopurua minimora heltzen ez bada ere, hau da, beti euskararen alde jokatu”.
Eta gehitu dute, A ereduan ere, euskararen ezagutza minimoa ziurtatu beharko litzatekeela, euskararen presentzia ordu jakin batzuekin bermatu, legeak berak eskatzen duen moduan. Baina A ereduak berezitasun bat du Lanbide Heziketan: berez, A ereduan euskarazko ikasgaia ematen dute ikastetxeek, ez ordea Lanbide Heziketan. Bertan, ingelesezko ikasgaia ematen dute, baina euskarazkoa ez. Alegia, ikasle ugarik euskararen inongo presentziarik gabe egiten du ziklo osoa.
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Sistema duala abian da ikasturte honetan Hego Euskal Herriko Lanbide Heziketan, eta eredugarri saldu duten arren, arazotsua izaten ari da hainbat zentrotan: ikasle guztiek derrigorrezko praktikak egin ditzaten enpresak bilatzen “gorriak pasatzen ari dira” irakasleak,... [+]
Ikasturte honetatik aurrera, Hego Euskal Herriko Lanbide Heziketako ikasleak lehenengo mailatik arituko dira enpresetan, enpresek eurek hezkuntza-curriculumeko edukiak irakatsi eta ebaluatuko dituzte, eta ikasleen ezagutza tekniko eta espezifikoak murriztuko dira, Xabier Jimenez... [+]
"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.
"Borroka luze eta gogor baten ostean", garun-paralisia eta %87ko desgaitasun motorra duen Usurbilgo ikasleak jardunaldi osoko laguntzailea lortu du ikasturte honetarako eta familia guztia "oso pozik" dagoela jakinarazi dio ARGIAri ikaslearen amak. Joan den... [+]
Bizikletako martxak eta topaketak antolatu dituzte, euskarak Lanbide Heziketan duen presentziaren inguruan hausnartzeko eta aurrera egiteko proposamenak elkarrekin adosteko.
%87ko desgaitasun motorrarekin, Lanbide Heziketa ikasten ari den Usurbilgo gazte batek laguntzailea behar du ikastordu guztietan, baina ukatu egin dio Hezkuntza Sailak, eta hautsak harrotu ditu kasuak: Eusko Legebiltzarrera eraman du gaia EH Bilduk, Steilas sindikatuak egoera... [+]
%87ko desgaitasun motorrarekin, Usurbilgo gazte batek ikastordu guztietan laguntzailea izan du orain arteko ibilbide akademikoan, baina Lanbide Heziketara igaro denean, jardunaldi erdian baino ez diote jarri laguntzailea. Laguntzailerik gabe dagoen orduetan ezinezkoa zaio... [+]
Asko dira euskarazko batere ikasgairik gabe Lanbide Heziketako ziklo osoa egiten duten ikasleak EAEn, berak ezarritako legea urratzen duelako Eusko Jaurlaritzak. Lanbide Heziketan euskaraz ikasi ahal izateari eta zikloak euskalduntzeari Jaurlaritzak “blokeoa” ezarria... [+]
Gaur egun Lanbide Heziketako ikasleen %30ek ikasten du eredu dualean Araba, Bizkaia eta Gipuzkoan 7542 enpresetan. Iaztik bikoiztu baino gehiago egin da enpresa kopurua, eta hemendik hiru ikasturtera 25.000 izatea nahi dute.
Ikasle guztiak, baita premia bereziak dituztenak ere, kontuan hartuko dituen curriculuma diseinatzen eta aplikatzen jarriko dituzte Errenteriako Don Bosco Lanbide Heziketako irakasleak. Lanbide Heziketan lehenengoz egingo dela eta proiektu berritzailea dela iragarri dute,... [+]
EAEko Lanbide Heziketako irakasle teknikoen kontsolidaziorako meritu-lehiaketan, lanpostuen erdia euskara eskakizunik gabe atera du Eusko Jaurlaritzak, eta helegitea jarri du LAB sindikatuak, lanpostu denetan euskara eskatu dadin.
Ikasle Abertzaleek greba deitu dute hezkuntzan, ostegun honetarako. Indarrean diren hezkuntza erreforma eta legeek sakoneko arazoak indartu baino ez dituztela egiten eta hezkuntzak soluzio integrala behar duela aldarrikatzen dute: “Hezkuntza sistema sozialista eraikitzea... [+]