Baldintzak aldatu ezean, Mondragonek ez du Fagor erreskatatuko
Mondragon Korporazioaren iritziz, Fagor Etxetresnen bideragarritasun planak ez du nahikoa bermerik eskaintzen kooperatiba erreskatatzeko. Arantza Tapia Eusko Jaurlaritzako Garapen Ekonomikoko sailburuaren hitzetan, beharrezkoa da Korporazioak erreskatean laguntzea, Jaurlaritzaren esku hartzea kolokan legokeelako bestela.
aurre egingo dieten hedabide independenteak
"Korporazioa inplikatu egin behar da. Sine qua non baldintza da Mondragonek bere posizioa zein den azaltzea. Hortik aurrera, sor daitezkeen egoera guztiak baloratuko ditugu, norantz jo dezakegun ikusteko", esan zuen atzo Tapiak, Radio Euskadiri eskainitako elkarrizketan.
Korporazioak, baina, Fagor erreskatatzeko asmorik ez duela jakinarazi zion pasa den asteburuan kooperatibari, Diario Vasco egunkariak "iturri oso fidagarriak" aipatuta dioenez. Horrek ez du esan nahi, ordea, negoziaketak eten egin direnik.
Ildo beretik, Fagor bigarrenez erreskatatzeko Mondragonek dirurik ez duela jarriko dio Xabier Martin kazetariak Berrian: "Arrasateko taldearen teilatuan jarri du pilota Jaurlaritzak, baina Mondragonek ez du asmorik berregituraketan parte hartzeko".
Fagor Etxetresnetako zuzendari nagusi Sergio Treviñoren hitzak jaso ditu Berriak. "Mondragon taldeak erabaki bat hartu behar du. Administrazioak eta bankuak laguntzeko prest daude; gure proiektua bideragarria delako seinalea da hori".
Martinen hitzetan, "hiru aldeei [Fagor, Mondragon eta Jaurlaritzari] erreparatuta, Mondragonek erabaki bat hartu behar duela pentsa daiteke, baina Arrasateko taldeak ez du balizko Fagor berri bati buruzko finantzaketari dagokionez beste erabakirik hartuko, besteak beste, urriaren 15etik —Mondragon Inbertsioak organoaren batzarren egunetik— erabakita daukalako Fagorren bideragarritasunaren inguruko auzia". Mondragon taldeko iturriek hala jakinarazi diote Berriari.
EH Bildu: "Euskal Herriak esku-hartzeko eta erabakitzeko gaitasuna duen sare instituzionala behar du"
Gipuzkoako EH Bilduk prentsa oharra kaleratu du, Fagor Etxetresnen egoeraren harira. Goiena.net atariak osorik jaso du. "Gertatutakoaren inguruan hausnarketa serioa egin behar du MCCk, daukan erantzukizuna beregain hartu eta bideragarritasun plan bat abian jarri beharrezko bitarteko guztiekin", dio koalizioak. "Euskal esparruko produkzio gaitasuna hobetzea eta sakabanatzea izan behar da helburua. Era berean, enplegua mantentzerakoan beharrezkoa izango da egun kooperatibista direnek bazkide izaten jarraitu ahal izatea".
"EH Bilduk proposatzen du beharrezkoa den birmoldatze prozesua finantzatzeko instituzioen konpromisoa sustatzea eta eraikitzea. Hori egin beharko litzateke esku-hartze publiko zuzenaren bitartez eta banka pribatuari zorra birnegoziatzea eta operazio hori finantzatzea exijituz. Arlo horretan, dei berezia egin beharko litzaieke Kutxabanki eta Laboral Kutxari, duten erantzukizuna bere gain har dezaten. MCCren inplikazioa ere beharrezkoa izan beharko litzateke".
Martin Garitanoren eta alkateen arteko bilera
Gipuzkoako ahaldun nagusi Martin Garitanok eta Debagoieneko alkateek bilera egingo dute gaur arratsaldean, Fagorren egoerak Arrasaten eta inguruko herrietan zein eragin izan dezakeen aztertzeko. Iragan astean bildu ziren aurrenekoz.
Beterri Saretuz eraldaketa egitasmoak gonbidatuta, Debagoiena 2030 sareko Aritz Ameztegik hitzaldia eman du Andoainen asteazkenean. Eskualde batean eraldaketa lortzeko nola eragin litekeen gako batzuk eskaini ditu.
Biriketako minbizian eta %95eko ezgaitasunean amiantoak izandako eragina onartu zion Gizarte Segurantzak langile bati, baina helegitea jarri zuen Fagor Ederlan enpresak. Donostiako epaitegi batek ez du helegitea onartu eta amiantoaren biktimen elkarteak enpresari eskatu dio... [+]
Gipuzkoako Lurralde Auzitegiak Mondragon absolbitu du Bergarako epaitegiak 2018ko uztailean emandako epaia berretsiz eta preskripzioan oinarrituz erabakia. Ordainduk eta Eskuratuk salatutako engainurik ez zela egon ebatzi du. Mondragon epaiarekin "pozik" azaldu da;... [+]
Herritarrek aukera izan dute dokumental baten bidez Jose Maria Arizmendiarrietaren bizitza eta lana ezagutzeko: Arizmendiarrieta, gizon kooperatiboa.
Ordaindu eta Eskuratu elkarteen eta Mondragon Korporazioaren arteko epaiketako ahozko bistaren azken eguna izan da gaurkoa. Bi aldeetako abokatuek ondorioak aurkeztu dituzte epailearen aurrean, eta lau egunak nola joan diren ikusita, esan daiteke demandatzaileen aldeko ebazpen... [+]
Fagor Etxetresnetako eta Edesako hainbat bazkide ohik, Ordaindu eta Eskuratu plataformetan baturik, Mondragonen kontra ipinitako demandaren epaiketa hasi da gaur, maiatzak 7, Bergaran. EAEko orain arteko demandarik handiena da. 954 bazkide ohik 47 milioi euro erreklamatzen... [+]
Astearte goizean aurkeztu du Edesa Industrialek hartzekodunen arteko hitzarmenerako aurre proposamena epaitegian. Likidazioa saihesteko eta industria jarduerarekin jarraitzeko duten asmoen barruan dagoela adierazi dute bidalitako oharrean. Edesa Industrialeko langileek "ez... [+]
CNA Group-eko filiala den Edesa Industrialek gaur goizean aurkeztu du hartzekodunen lehiaketa Donostiako merkataritza auzitegian. Dituen zorrak 100 milioi eurotik gorakoak dira.
Berrikuntza sozialean lanean ari diren hainbat ekimen ezagutzeko aukera izango da urriaren 25eko jardunaldietan. ARGIAk zuzeneko emisioa eskainiko du.
Edesa Industrialeko langileen etorkizuna Luxenburgon finkaturik dagoen talde horren eskuetan dago. Baina ELA eta LAB sindikatuek salatu dutenez, apenas daukagu daturik konglomeratu horren inguruan.
Iragarritako moduan, CNA taldearen Edesa Industrialeko zuzendaritzak gaur aurkeztu du enplegua suntsitzeko EREa, langile guztiendakoa. Ostiralean jakinarazi zen bezala, zuzendaritza Edesa Industrial eta Geyser-Gastech enpresetako ordezkariekin batu da; bilera horretan enpresako... [+]
Ez dute CNAk egindako proposamena onartu, euren ustez “xantaia” egiten ari delako eta konpainia katalanak “txeke zuri bat” besterik ez duelako nahi.
Zuzendaritzak kaleratze gutxiago egiteko aukera azaldu du enpresa batzordearekin egindako bileran, baina aldi berean dio "gehienez" 160 lanpostu mantendu ditzakeela, hasierako proposamenean bezala.
12:00etan dute hitzordua bihar, eguena, Fagor CNAko langileen ordezkariek CNA Taldeko zuzendaritzakoekin, negoziazioari ekiteko. “Enpresa bat ez da konpontzen murrizketekin”; hori abiapuntu, 350 lanpostuak eta enpresaren bideragarritasuna defendatzera bertaratuko... [+]
Konpainiak katalanak aurkeztu du Edesa Industrialentzako bideragarritasun plana: produkzioa doitu, Garagartzako planta itxi eta langileen erdia kalera.