Molaren eta Sanjurjoren aldeko altxamendua
Burua altxatuko balute, Emilio Molak eta Jose Sanjurjok pozik egoteko arrazoiak edukiko lituzkete, XXI. mendean, 2016 urtean jasotzen ari diren sostengua ikusita. 1936ko altxamendu faxistaren bi buruon gorpuzkiak Eroritakoen Monumentuko kriptatik aterako dituela iragarri du Iruñeko Udalak. Eta iragarpenak bi militar frankiston aldeko hainbat erreakzio eragin ditu. Molaren eta Sanjurjoren aldeko altxamendua.
Tranpa-mozioa
Konparaziora, atzoko osoko bilkuran, UPNko hamar zinegotziek desobiratzeen kontra bozkatu zuten. Enrique Maya eledun erregionalistak mamiaren inguruko eztabaidari iskin egin, eta azalarekin loturiko bi argudio aipatu zituen bere alderdiaren jarrera azaltzeko tenorean: ez dute espedientea behar bezala aztertzeko betarik izan; eta mozioa tranpa da, UPN ataka estuan jartzea baitu helburu bakar.
EH Bildu, Geroa Bai, Aranzadi, Izquierda Ezkerra eta PSNk batera aurkeztu zuten ekimena, eta gorpuzkiak kriptatik ateratzearen alde egiteaz gain, Joseba Asiron alkateari elkartasuna adierazten zion, auzi honen karietara haren aurka azalduriko pintaketa mehatxukorren karietara.
Erorien Monumentua, "gure ondare espainiarra"
PPk ez du ordezkaririk Iruñeko Udalean. Nolanahi ere, alderdiko gazteek sinadura bilketa abiatu dute desobiratzeen aurka, web ezagun batean. Zehazki, Nafarroako Nuevas Generaciones taldeko presidente Alvaro Sobejanok sinatu du ekimena. Haren hitzetan, ikur frankistaz josita dagoen Eroritakoen Monumentua “gure ondare espainiarraren osagarria” da, eta “errespetua zor zaio bai gure historiari baita gure ondare amankomunari ere”. Salatzen duenez, “balio historiko-artistiko kalkulaezina duen eraikina birrindu nahi dute, arrazoi ideologikoengatik”. Bistan da, UPN ez bezala, PPko gazteak azalari ez ezik mamiari ere heldu diotel, batere lotsarik gabe.
Farola onak vs. ikur frankistarik gabeko farolak
Bestalde, Diario de Navarra berripaperak Mola eta Sanjurjo kriptatik ateratzearen aurkako zenbait iritzi artikulu plazaratu ditu azken egunotan. Esate baterako, atzo, Luis Landa zutabegileak oso argudio irudimentsua ibili zuen. Kontatu zuen berriki Logroñon izan dela, eta han oraindik badirela Molaren eta Sanjurjoren izenak daramatzaten kaleak. “Zergatik? Gamarra andereak [Logroñoko alkateak] bestelako lehentasunak dituelako, eta kaleotako bizilagunek normaltasunez bizi direlako, gatazkarik eragin gabe. Nahiago dute asfalto eta argiztapen onak edukitzea, dirua plakak aldatzen gastatzea baino”, azaldu zuen.
Landaren argudioak euskararen inguruko dikotomia faltsu eta sona handikoa parafraseatzeko aukera ematen du: zer nahiago duzu, farola ona ala ikur frankistarik gabeko farola txarra? Sare sozialetan, soka luze samarra ekarri zuen artikuluak.
"Ausartu zaitez bizirik daudenekin"
Asironen aurkako pintaketak abuztuko azken asteburuan azaldu ziren, Zabalgunean, eta “Asiron, ausartu zaitez bizirik daudenekin” zioten. Balirudike Molak eta Sanjurjok burua altxatuko balute ikusiko luketeela haiek ez liratekeela bazterrotako zonbi frankista bakarrak. The walking franquist.
Artikulu hau Euskalerria Irratiak argitaratu du eta CC-by-sa lizentziari esker ekarri dugu ARGIAra
.jpg)
Nafarroako Gobernuan ondare historikoaz arduratzen den erakundea da Vianako Printzea, eta Iruñeko Udala haren zain zegoen birgaitze prozesuarekin aurrera jarraitzeko. Datozen asteetan, beraz, obrarako lehiaketa irekiko da.
"Oraindik korapiloa askatzeko" dagoela gogoratzeko eta Txiki eta Otaegiren fusilatzeen 50. urteurrena kari, Sortuk bi pankarta handi eskegi ditu Cuelgamuroseko monumentuko arku batetik. 1975ean bertan lurperatu zuten Francisco Franco diktadorearen gorpua, 1936ko gerran... [+]
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».