Mobilizazioak ostiralean, Urruñako hilketa matxista gaitzesteko

  • Manifestazioa egingo dute Urruñan, eta elkarretaratzeak Hego Euskal Herriko hiriburuetan hilketa salatzeko. Herrietan ere ari dira deialdiak zabaltzen.


2019ko ekainaren 21an - 11:02
(Argazkia: euskalerriairratia.eus)

Mayie Nervi eta honen senarra hilda aurkitu zituen horien alabak astelehenean, Urruñako (Lapurdi) etxebizitza batean. Gertakariaren gaineko ikerketa martxan jarri zenetik gailendu zen hipotesi bat: indarkeria matxista kasu bat izan zitekeela. Hala dela ziurtatu da: gizonak emakumea hil eta bere buruaz beste egin zuen ostean. Nervi da indarkeria matxistak 2019an Euskal Herrian hildako lehen emakumea.

Hilketa matxisten kontrako protokoloa aktibatu du Euskal Herriko Emakumeen Mundu Martxak, eta mobilizatzera deitu du ekainaren 21ean. Urruñan manifestazioa egingo dute, 18:30ean abiatuko da Herriko Etxearen paretik. Hiriburuetan elkarretaratzeak deitu dituzte: Bilbon 19:30ean egingo da Arriagan, Iruñean 20:00ean Udaletxe plazan, Donostian 18:30ean Bulebarrean eta Gasteizen 19:00etan Korreos plazan. Zenbait herritan ere ari dira mobilizazioak antolatzen.

 


Kanal honetatik interesatuko zaizu: Indarkeria matxista
2024-05-08 | Reyes Ilintxeta
Patricia López Arnaiz. Hamaika bizitza bakar batean
"Amorrua, hira eta mendeku nahia emakume baten motorrak ere izan daitezke"

Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]


Donibane Lohizuneko hilketa matxista "krimen basatia" izan dela dio prokuradoreak

Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]


2024-04-26 | Gedar
Adin txikiko bati sexu-erasoa egin dio gizon batek Donostiako kiroldegi batean

62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.


Psikologo gutxiago indarkeria matxisten biktimak artatzeko

Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.


2024-04-17 | Diana Franco
Teknologia
Indarkeriatik deskonektatu

Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.

Eremu... [+]


Eguneraketa berriak daude