Miren Aranguren: “Horrelako kasuek erakusten dute gizartea non dagoen oraindik”
Euskal Herrian indarkeria matxistak aurten eragin duen lehenengo biktima izan da Mungiako hilketa. Info7 irratiak elkarrizketa egin dio Miren Aranguren Bilgune feministako kideari.
Heriotza gaitzesteaz gain, oraindik mota honetako indarkeriak duen dimentsioaz kontzientzia hartu ez dugula dio Arangurenek: “Indarkeria bizirik dago oraindik ere, gainera patriarkatuaren tresna nagusi izaten jarraitzen du emakumea nahi duen tokian kokatzen jarraitzeko”.
Indarkeria matxistari aurre egiteko neurri asko hartzen direla adierazi du Bilgune Feministako kideak, baina politikariek horri aurre egiteko plan estrategikorik duten zalantzan jarri du eta halakoen beharra azpimarratu du: “Hitzetatik ekintzetara pasatzea da gakoa”
Erronka ugari dituztela azaldu du, baina koordinazioak eta integraltasunak garrantzi berezia hartzen dutela indarkeriaren trataeran.
Mungiakoa bezalako kasu bortitzetan kalean erantzuna eman eta diskurtsoa indartzearen garrantzia azpimarratu du Arangurenek. Asteazken arratsaldean ere Mungiako hilketa salatzeko hainbat herri eta hiritan mobilizazioak egingo direla iragarri du eta bertan parte hartzeko deia egin du.
Gaur egingo diote autopsia gorpuari. Atxilotutako 37 urteko gizona espetxean mantenduko dute epaiketara arte. Prestatutako hilketa matxista izan dela frogatzen bada, biziarteko kartzela zigorra kontenplatzen du Frantziako legediak. Mobilizazioak egingo dituzte egunotan Euskal... [+]
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.