ARGIA.eus

Itzulpen automatikoa / Machine translation

Mintzola fundazioaren ibilbidea amaitutzat ematea erabaki dute

  • Aho batez hartu dute erabakia patronatuko kideek, tartean Villabonako Udalak. Xenpelar Dokumentazio Zentroaren eta Euskal Herriko Bertsozale Elkartearen egoitza izaten jarraituko du Villabonako Subijana etxeak.

Artikulu hau CC BY-SA 3.0 lizentziari esker ekarri dugu.

2021eko uztailaren 28an - 10:47
Azken eguneraketa: 12:48

Bertsogintzaz harago, ahozko gainerako diziplinetan gehiago sakondu eta eragiteko beharrak bultzatuta, azken urtebete honetan bere helburuen eta egitekoaren inguruko gogoeta burutu du Mintzola fundazioak. Prozesu horren ondorioz, patronatuko kideek aho batez erabaki dute fundazioaren ibilbidea amaitutzat ematea eta ahozkotasunari buruzko ikerkuntza eta hedatze lanaren lekukoa Euskaltzaindiak har dezan proposatzea.

Hartutako erabakiak Ahozko Lantegiaren eta Bertsozale Elkartearen proiektuak fisikoki banatzea dakar eta, Mintzolako kide diren erakunde eta eragileek hala adostuta, ahozkotasunaren lanketa beste modu batera bideratzea ekarriko du. Euskal Herriko Bertsozale Elkartea, Gipuzkoako Foru Aldundia, Villabonako Udala, UPV/EHU eta Kutxa Fundazioa bat etorri dira Mintzola fundazioak euskarari eta euskal kulturgintzari egindako ekarpena azpimarratzeko garaian, urte hauetan guztietan hamaika ikerlan eta proiektu sustatu baititu. Aldi berean, eragile guztiek bere esker ona adierazi nahi izan diete urte hauetan guztietan Ahozko Lantegian lanean jardun diren pertsona eta eragile guztiei, izan teknikari, aditu, ikertzaile, herritar nahiz erakunde.

Berriki egindako batzarrean patronatuko kideek, beraz, fundazioa desegin eta Ahozko Lantegiaren jarraipena Euskaltzaindiaren esku uzteko proposamena hobetsi dute. Azken honek baiezkoa eman ostean, inplikatutako eragileek, euskarazko ahozkotasunaren ikerketari eta dibulgazioari jarraipena eman asmoz, prozesu bat abiaraziko dute irailetik aurrera, errelebo horren inguruko baldintzak modu egokian eta adostuan gauzatu ahal izateko.

Mintzola Ahozko Lantegia 2008an sortu zen. Bertsolaritzatik abiatuta, ahozko tradizioaren gaineko hausnarketari eta ahozkotasunari loturiko diziplinen arteko elkarreragina bultzatzea izan du helburu azken urte hauetan guztietan, gizartearen premia berriekin uztartuz eta, era berean, diziplina hauek indartuz. Horretarako, bertsolaritzaren ikerketan sakontzen eta, horietan landutako hausnarketak gogoan, euskaraz diharduten beste ahozko kultur sorkuntzetara eta nazioarteko beste kantu inprobisatuetara zubiak eraikitzen saiatu da azken hamarkada honetan.

Orain arte egin bezala, euskararen biziberritzeak guztion arteko elkarlana eta ekarpena behar duela iritzita, urte hauetan guztietan Mintzola fundazioko patronatu izan diren kideak elkarlanerako prest agertu dira.


Kanal honetatik interesatuko zaizu: Bertsolaritza
Onintza Enbeita
“Honetan guztian egon nahi dut, hau guztia ukatu zaigun garaian ere egon naizelako”

Hamahirugarren Bizkaiko Bertsolari Txapelketa eta bederatzigarren finala izan ziren iazkoak Onintza Enbeita Maguregirentzat (Muxika, 1979). Irautearen esfortzua eta poza ederki ezagutzen ditu, bertsotan zein handik kanpo, eta horri esker dago dagoen lekuan. Irauteko aldatzeari... [+]


2024-02-22 | Bertsozale.eus
Larunbatean Aramaion emango zaie hasiera finalerdiei
Arabako Bertsolari Txapelketak XVI. edizioa jokatuko du aurtengoan eta 40 urte beteko dira lehen txapelketa jokatu zelarik. Bigarren faseari hasiera emango zaio larunbat honetan Aramaion. Bertan burutuko da lehen finalerdia. Sei bertsolarik parte hartuko dute saion, sarrerak... [+]

2024-02-12 | Bertsozale.eus
Laudioko saioa Iñaki Viñasprek irabazi du eta lehen fasea amaitu da
Laudion jokatu da azken final laurdena. Beraz erabakita geratu da nortzuk jokatuko duten hurrengo fasea, finalerdiak.

2024-02-05 | Bertsozale.eus
Aroa Arrizubietak irabazi du finalerdietarako bigarren txartela
Giro ederrean jokatu da 2024ko Arabako Bertsolari Txapelketako bigarren final laurdena. Lan denak bukatuta Aroa Arrizubieta izan da punturik gehien metatu dituen bertsolaria eta beraz Dulantziko finalaurrekora zuzenean pasako da.

2024-01-29 | Bertsozale.eus
Peru Abarrategik irabazi du Izarran jokatutako lehen final laurdena
Giro epelean hasi da 2024ko Arabako Bertsolari Txapelketa. Izarrako Kultur Etxea bete irabazi du Peru Abarrategik finalerdietarako pase zuzena.

Eguneraketa berriak daude