Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.
Mikel Barrios (Iruñea, 1988) 5 urteko kartzelara kondenatu du Parisko Dei Auzitegiak, oraindik erabakiaren arrazoiak ezagutarazi ez dituen arren. Ekainean Zigor Auzitegiak ezarritako zigor bera berretsi du, beraz, Parisek. Zigor horri helegitea jarri zion Barriosen defentsako abokatuak, eta azaroan aztertu zuten, baina prokuradorea gogor agertu zen zigorra arintzearen kontra. Hala, epaileak ostegun honetan eman du azken deliberazioaren berri.
Barrios 2017an atxilotu zuten Berlinen, Frantziako justiziak bere kontrako Euroagindua eman ondoren, "erakunde kriminaleko kide" izatea leporatuta. ETAren desarmean eta gatazkaren konponbidean egindako lanaren aurrean begiak ixtea egotzi diote Ipar Euskal Herriko bakearen aldeko eragileek frantziar estatuari. Barrios Itsasun biziizan da eta bertan lan egin izan du aspaldion.
Urtebetez eduki zuten espetxean eta baldintzapean irten zen kalera 2018an, pultsera telematikoarekin. Joan den ekainean berriz kartzelan sartu zuten, Zigor Auzitegiaren epaiaren ondorioz, baina urrian berriz aske utzi zuten, kontrol judizialpean. "Giza ikuspegi batetik eta testuinguru sozial eta politikotik ulertezina da Mikel Barriosi ezarri dioten zigor gogorra", azaldu du Xantiana Cachenault bere abokatuak, Kazeta.eus-ek jaso duenez.
Izan ere, bost urteko kartzela zigorraz gain, Fijaut fitxategian sartuko dute, baina nolanahi ere, ez diote hamar urtez Frantziako Estatuan bizitzeko debekua ezarriko. Ostegunean 18:30etan elkarretaratzea egingo dute Itsasun, Dei Auzitegiaren erabakia deitoratu eta Barriosi babesa emateko.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]