Luhusoko auziperatuen errugabetzea eskatzeko kanpaina aurkeztu dute
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen ehun izenpetzaileen zerrenda plazaratu dute ostegun goiz honetan egindako prentsaurrekoan.
Apirilaren 2an eta 3an iraganen da Beatrice Molle-Haran eta Txetx Jean-Noël Etcheverry "bake artisauen" epaiketa Pariseko Auzitegi Korrekzionalean. 2016ko abenduaren 16an Luhuson buruturiko ETAren armagabetze zibilaren harira epaituko dituzte, "ETA erakunde terroristarekin harremanetan, armak, munizioak eta lehergaiak erabili, eraman eta atxikitzeagatik". Bost lagun atxilotu zituzten orduan, baina, Etxe Stephane Etchegaray epaiketatik kanpo uztea erabaki zuen epaileak eta 2016az geroztik zendu dira ekintzan egon ziren Mixel Bergouignan eta Mixel Berhokoirigoin. Auziperatuen "errugabetze argia eta sinplea" galdetzeko kanpainaren berri eman dute ostegun goiz honetan Baionan egindako prentsaurrekoan.
Auziperatuak oroitarazi nahi izan dute ETAren armagabetzean aitzina eginez "[Frantziako zein Espainiako] autoritateek azken bost urteetan erakutsi inertziari bukaera ematea" zutela xede. Hain zuzen, 2011ko Aieteko Adierazpenetik hiru egunetara, ETAk plazaratu zuen borroka armatua behin betikoz uzteko erabakia, baina parean, errepresioaren bidetik segitzen zuten estatuek, konponketarako urratsak zapuztuz eta oztopatuz. Ondotik, 2017ko apirilaren 8an, 20.000 lagun batu ziren Baionan, erakunde armatuak armak euskal jendarte zibilaren esku utzi zituen egunean, eta 2018ko maiatzaren 3an bere desegitearen berri eman zuen ofizialki ETAk. "Leporatzen diguten dena asumitzen dugu, baina errugabetzeko eskatuko dugu. Berriz eginen genuke behar izango balitz. Bi estatuek egin beharko zutena egin genuen", adierazi du Txetx Etcheverryk.
Gatazkaren konponketaren eta bakearen bidean "oraindik asko egiteko" dagoela erranik, auziperatuen errugabetzea galdetzeko dinamika abiatu dute: "Errugabetze argi eta sinplea eskatzen dugu. Euskal herriak denbora luzeegian ezagutu duen konfrontazio armatu baten ondorioak elkarrekin konpontzeko seinale bezala eta bere Historiaren orri berri bat irekitzeko borondate bateratu bezala ulertuko litzateke errugabetzea".
Lehen 100 sostengatzaileak
Eskaera hori dakarren izenpedura bilketa abiatu du Bake Bideak, eta lehen ehun izenpetzaileen izenak jakinarazi dituzte Baionako prentsaurrekoan. Nazioartetik Euskal Herrira, kulturatik sindikalismora, zabala bezain anitza da zerrenda. Lehen ehun sostengatzaileen zerrenda lotura honetan.
Frantziako Ministerio Publikoak hamar egun zituen Parisko auzitegiak harturiko erabakiari helegitea jartzeko, baina ez du halakorik egin. Hortaz, ETAren armagabetzean lagundu zuten Beatrice Molle eta Jean Nöel Etcheverry Txetx bakegileek ez dute zigorrik jasoko, epaimahaiak... [+]
Hobengabetzea eskatzen zuten bakegileek, baina Parisko Zigor Auzitegiak errudun jo ditu Jean Nöel Etcheverryi Txetx eta Beatrice Molle Luhusoko armagabetzean parte hartu zuten bakegileak. Hala ere, ez dute zigorrik izango.
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
ETAren armak eta lehergaiak garraiatzea leporatzen diete Beatrice Molle-Haran eta Jean-Noël Etcheverry 'Txetx’ bakegileei, 2016ko Luhusoko operazioaren harira. ETAren armagabetzea gauzatzen ari ziren. Egindakoaz harro dagoela eta berriz ere egingo lukeela adierazi... [+]
Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.
Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.
Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.
Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.
Bake Bidearen Ipar Euskal Herriko delegazioak agiria kaleratu du apirilaren 8an ETAren desarmatze-egunaren hirugarren urteurrenarekin bat eginez. Ardura berezia adierazi dute Ion Parot, Jakes Esnal eta Xistor Haranburu euskal presoen egoeragatik.
"Bi poliziak ETAk 2017an eta 2018an Frantziako Poliziaren esku laga zituen ehun arma baino gehiago beraientzat gordeta zituzten", Frantziako Le Point egunkariak zabaldu du albistea. Askotariko armak atzeman dituzten Frantziako Estatuko Arras herrian (Pas-de-Calais... [+]
Astelehen eta astearte honetan Parisen epaitzen ari dira David Pla eta Iratxe Sorzabal. ETAko kide eta ordezkari izatea, armak eta dokumentu faltsuak eta propaganda materiala izatea leporatzen diete.
Estatu-arrazoia bezain iluna da Rubalcaba, estoldetako politikari bat, institutuko irakasle baten itxura kaltegabe hori eduki arren. Itzalpean mugitu zalea, botere faktikoekin aireztatu gabeko sotoetan edukitzen diren elkarrizketetan; zeren hortik at, animalia izu eta itsusia... [+]
Garai aldakorrak bizi ditugu, garai likidoak, garai postmodernoak, Don Inorrezek argitaratu berri duen diskoan kantatzen duen moduan. Egun, inork ez dizu kargu hartzen gaur A esaten baduzu, bihar K eta etzi Z.