ETAren desarmatzea auzitan jartzen duten argudioekin, Frantziak bost urteko espetxe zigorra ezarri dio Mikel Barriosi
Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.
Barriosen defentsak helegitea aurkeztuko duela iragarri du, preso ohiak kontrolpean baina libre jarrai dezan. Epailearen esku geratuko da azken erabakia ordea eta, errekurtso hori ebatzi bitartean behin-behinean kalean segitzeko aukerari ateak itxi dizkiotenez, datorren astelehenean sartu beharko du kartzelara.
Iruindarra berriz espetxeratzeko erabilitako argudioen artean, Fiskaltzak zalantzan jarri du ETAren desarmatzea, esanez Frantziako Poliziak armak gordetzeko hainbat zulo aurkitu dituela. Ez hori bakarrik, gatazka armatua konpontzen saiatzeko prozesua bera ere auzitan jarri du “ETAko militanteak ez direla aldatu” adieraziz, Maite Ubiriak Naiz-en jaso duenez.
Argudio ulertezinak Barriosen defentsarentzat: fiskalaren jarrera deitoratu du, baina are larriagotzat jo du epaileak iritzi horiekin bat egitea. 2011. urtetik Euskal Herrian bakea lortzeko emandako urratsak gogora ekarri ditu. Horrez gain, Barriosen kasu partikularrean, nabarmendu du Ipar Euskal Herrian bizi dela eta lana baduela.
2017. urtean atxilotu zuten Barrios Alemanian Iñigo Gulinarekin batera. “Erakunde kriminaleko kide” izatea egotzita Frantziako Estatuak euroagindua ezarri zion eta Alemanian bi hilabete inguru kartzelan pasa ondoren, Osnyko presondegira eraman zuten, Paris inguruan. 2018ko urrian geratu zen aske. Geroztik epaileak ezarritako kontrol judiziala errespetatu duela nabarmendu du haren abokatuak.
Astearte arratsaldean elkarretaratzea egin zuten Itsasun Barriosi elkartasuna adierazi eta epaiketa salatzeko.
Jose Mari Dorronsoro preso politikoak Frantziako Estatuan bete zuen zigorra aintzat hartu ondoren, aske utzi zuten abuztuan, Etxerat elkarteak jakinarazi duenez.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Hirugarren graduan dagoen preso baten eta bere ilobaren mendi bueltan girotutako laburmetraia aurkeztu du Hatortxurockek. Kalera irteten diren presoei harrera duina emateko beharra aldarrikatu nahi dute lan honekin.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]