Migratzaileak herrialdearen diru-sarreren, biztanle kopuruaren eta langabeziaren arabera banatzea
Hiru ardatz dituen proposamena egin du Eusko Jaurlaritzak. Batetik, Share ekimena aurkeztuko dio Europar Batasunari, migratzaileen etorrerari modu “ordenatu eta solidarioan” erantzuteko; Espainiako Gobernuari ere hainbat neurri eskatuko dizkio; eta EAEn Migraziorako Itun Soziala bultzatuko du.
Europarako, hiru irizpide nagusi
Jaurlaritzaren proposamenean, hiru faktorek baldintzatzen dute nagusiki migratzaileen harrera Europar Batasunean eta migratzaileak herrialdeka banatzerako orduan, ekuazioa ondorengoa litzateke: estatuak dituen diru-sarrera fiskalek %50eko pisua izango lukete erabakian (herrialde aberatsenek migratzaile gehiago hartzea da asmoa), biztanle kopuruak %30eko pisua, eta langabezi tasak %20. “Harreraren eta integrazioaren erantzukizuna elkarbanatzea” du helburu ekimenak eta urriaren 9 eta 10ean aurkeztuko du proposamena Jaurlaritzak, Europako Eskualdeen Batzordean.
Espainiari eskaera zehatzak
Espainiako Gobernuari eta gainerako instituzio eta eragile sozialei ere eskaera zehatzak egingo dizkie. Jaurlaritzak hainbat profil desberdintzen ditu: migratzaile legalak, errefuxiatu eta asilo eskatzaileak, paperik gabeko migratzaileak, eta bakarrik dauden adingabe migratzaileak.
EAEn, ituna
Azkenik, EAEn Migraziorako Euskal Itun Soziala sustatu nahi du Jaurlaritzak. Helburua, “elkartasunean eta erantzukizunean oinarritutako harrera eta integrazio pedagogia baten alde demokratak biltzea”. Migratzaileen erregularizazioari, harrerari eta integrazioari begira konpromisoak iragarri ditu, baita diskurtso eta zurrumurru xenofoboen aurkako ekintzak ere.
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Pertsona migratzaileak laguntzea kriminalizatzen duten politikak nagusi dira Europar Batasunean, eta hori egiteagatik auzitara eraman dituzten pertsonen kopuruak errekor berria ezarri du 2023an: gutxienez 117.
Ostegun goizeko 8:00etatik 12:20era Polizia operazio handia egon da Donostiako Martutene auzoko etxe okupatu batean. Espainiako Poliziak, Ertzaintzak eta Udaltzaingoak elkarrekin egin dute operazioa, “atzerritarren bulegoaren operazioa” dela azaldu dute. Donostiako... [+]