Maria Elosegi epaile homofoboak auzitegietara joko du bere "eskubideen defentsan"

  • Europako Giza Eskubideen Auzitegian epaile lanetarako hautatu dute Elosegi. Kritika ugari jaso ditu hainbat hedabidetan zabaldutako ideia homofoboengatik. Bere “eskubideen defentsan” auzitegietara joko du orain.

ARGIA @argia
2018ko urtarrilaren 31

Eldiario.es hedabideak eman zuen albistearen berri duela astebete inguru. Europako Giza Eskubideen Auzitegian Espainiaren ordezkari izateko hautatutako epaileak, ideia homofoboak zabaldu izan ditu azken urteetan zenbait hedabidetan eskainitako elkarrizketetan.

Lau bat egun geroago bigarren albiste baten berri ere eman zuen agerkariak. Epaileak bere curriculuma faltsutu zuen lanpostu horretara aurkeztu ahal izateko. Elosegik ordea, bere curriculuma sarean edonork ikusteko moduan zegoela erantzun du.

Epaile donostiarrak azpimarratu du, Europako Giza Eskubideen Auzitegiko epaile izendatzeko hautaketa prozedurak, lehen aldiz, Giza Eskubideen Europako Hitzarmenaren eskakizunak eta Europako Parlamentuaren zein Europako Kontseiluko Ministro Batzordearen gomendioak jarraitu dituela. Gauzak horrela, bere “eskubide konstituzionalen defentsan” auzitara joko duela adierazi du epaileak.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Homofobia  |  Europa  |  Giza eskubideak

Homofobia kanaletik interesatuko zaizu...
Azkenak
EGILEA
Eguneraketa berriak daude