Manu Lezertua hautatu dute EAEko ararteko
EAJk, PSEk eta PPk alde bozkatu eta Manu Lezertua aukeratu dute EAEko ararteko datozen bost urtetarako. Luix Barinagarrementeriak EH Bilduko 21 bozka jaso ditu Gasteizko Parlamentuan eta UPyDk boto zuria eman du.
Iñigo Lamarca ordezkatuko du Lezertuak ararteko postuan. Lamarcaren lan ildoari jarraipena emango diola azaldu du eta norbanakoen kexei arreta handiagoa jarriko diela. Gai zehatzen inguruan txosten gutxiago egingo dituela esan du.
Bere hautagaitzaren berri jakin zenean Espainiako Alderdiaren Legearen aldeko artikulu bat idatzi zuela eta polemika sortu zen. Asteartean Gasteizko Parlamentuko Giza Eskubideen Batzordean azaldu zuenez, ez zuen bere iritzia eman artikulu hartan. Testua Giza Eskubideen Estrasburgoko Auzitegiaren 2009ko sententziaren zatien iruzkinekin egin zuela esan zuen.
Azken hamarkadan, EAJk hiru harrobitatik datozen kargu publikoen esku utzi du Eusko Jaurlaritzako sailen kudeaketa. PwC eta Andersen bezalako aholkularitza-enpresetan aritu zen talde bat nabarmentzen da. Beste talde garrantzitsu bat karrerako funtzionarioek osatzen dute... [+]
