Asteartean Langileen Nazioarteko Eguna dela eta, Euskal Herriko sindikatu guztiek mobilizazioak antolatu dituzte egun horretarako.
“Lan, bizi, herri duina” da LABek aurtengo maiatzaren lehenengoari begira aukeratu duen leloa, eta bi ardatz finkatu ditu: “Eraldaketa sozialerako grina gauzatzeko mobilizazio soziala indartzea” eta “gogo hori burujabetza prozesuarekin lotzea”. Eskualdez eskualde egingo dituzte mobilizazioak.
ELAk, bestalde, mugimendu feministaren eta pentsiodunen “errebindikazio oldea indartzeko” mobilizazioak egingo ditu. “Pobreziari gerra! Soberan inor ez” leloa aukeratu dute. Bilbon egingo dute manifestazio nagusia, 11:45ean Jesusen Bihotzetik.
CCOO eta UGT sindikatuek manifestazio bateratuak deitu dituzte maiatzaren 1erako: 11:30ean Bilbon On Diego Lopez Harokoa kale nagusitik, 12:00etan Gasteizen Andre Mari Zuriaren plazatik, eta 12:00etan Donostian Alderdi Ederretik.
Steilas, ESK, CGT-LKN, COBAS eta CNT sindikatuek bat egitea erabaki dute Maiatzaren Leheneko mobilizazioei begira. 10:00etan Oreretatik martxa bat abiatuko dute, eta 12:30ean manifestazioa egingo dute Donostian, Bulebarretik.
Ipar Euskal Herrian, Baionan tren geltokitik abiatuko da manifestazioa 11:00etan, eta Maulen Kurutze Xuriatik ordu berdinean.
Nafarroan, sei herritan egingo ditu manifestazioak LABek, eguerdian guztiak: Altsasun, Donezteben, Iruñean, Lizarran, Tafallan eta Tuteran.
Amazonek Trapagaranen duen lan zentroan grebalarien kontra "jazarpen eta zigorrak" darabiltzala salatu du sindikatuak
Energiaren sektoreari loturiko konpainiak bere zuzendari nagusia aldatu du, doikuntzak iragartzearekin batera. Euskal Herriko lantegietan ia 3.000 langile aritzen dira eta sindikatuak kezkatuta agertu dira, kaleratzeak ekar litzakeelako erabakiak.
Asteazkenean eseri dira epailearen aurrean Zorroza Gestión de Residuos enpresako arduradunak, 2020an gertatutako lan heriotzaren harira. Epaileak urtebete eta sei hilabeteko espetxe zigorra eta 30.0000 euroko kalte-ordaina ordaintzea ezarri die bi akusatuei.
Gizartea kontzientziatzeko eta informatzeko kanpaina bat abiatu dute LAB, CGT, STEILAS, ESK, CNT eta LSB-USO sindikatuek, Nafarroako Osasun Plataformak eta Osasun Publikoaren Aldeko Herri Plataformak.
Milaka langile elkartu dira Iruñean, Bilbon, Gasteizen, Donostian, Baionan eta Maulen egindako manifestazio eta ekitaldietan. Langile eskubidea defendatu eta lortzeko, greba erreminta ezinbesteko gisa aldarrikatu dute sindikatu guztiek. LAB lehen aldiz... [+]