40 egun igaro dira Irango poliziaren indarkeriaren eraginez Mahsa Amini emakume kurdua hil zenetik. Ordutik, poliziak protestetan ehun manifestari baino gehiago hil ditu eta 1.000 atxilotu. Asteazkena azken dolu eguna da kultura kurduan, eta ehundaka lagun bildu dira haren jaioterrian.
Irango poliziak Mahsa Amini hil zuenetik 40 egun bete dira asteazkenean, eta milaka lagun bildu dira bere jaioterrian, Kurdistango Saquez hirian, omenaldia eskaintzeko eta agintarien krimenak salatzeko. 40. dolu eguna etaparen azkena da kultura kurduan.
Irango Gobernuak hirirako bidea itxi du, eta segurtasun indarrak gogortu ditu asteazkenerako poliziaz betez hiria. Horrek eragin du hilerrira bidean milaka lagun oinez joatea errepidetik.
Amini pasa den irailaren 13an atxilotu zuen Irango poliziak, beloa oker jantzita zuelakoan. Polizia etxetik ospitalera eraman zuten koma egoeran, eta hiru egunen ostean hil zen.
Ordutik, Iraneko hiri ugaritan protestak hasi dituzte, azken urteetan izandako indartsuenak. Poliziak indarrez erantzun du, eta ehun manifestari baino gehiago hil ditu, baita mila lagun atxilotu ere.
Doluaren amaiera zela-eta, hainbat eragilek jakitera eman dute agintariek Aminiren familia mehatxatu dutela omenaldirik ez egiteko. Suzko armez eta gas negar-eragileaz eraso egin du poliziak, ANF berria agentzia kurduak jaso duenez. Baina jazarpenari aurre egin diote ehunka manifestarik, eta protesta oihuak areagotu dira. "Jin, Jiyan, Azadi" (“Emakumea, bizitza, askatasuna”) lelopean emakumeak protesten eredu bilakatu dira. “Diktadorearen gainbeheraren garaia" dela ere aldarrikatu dute Saquezen –Irango buruzagi gorena den Ali Jameneiri erreferentzia eginez–.
Bestalde, asteazkenerako grebarako deialdia zabaldu da Irango hainbat hiritan, baita ekialdeko Kurdistanen ere.
Komala alderdiak Irango Gobernuaren akusazioa ezeztatu du, eta adierazi du manifestariak “erreprimitzeko eta isilarazteko” saiakera dela.
Irango Zagros mendikatearen hegoaldean dagoen Ghar-e Boof kobazuloan ez dute hominidoen hezurrik aurkitu, baina bai haiek duela 80.000 urte inguru jandako animalien hezurrak; zehazki, 941 hezur.
Eta hezur horiek aztertuta, garai hartako dietaren berri jakin ahal izan dute... [+]
Niloofar Hamedi eta Elaheh Mohamadi kazetariek sei eta zazpi urteko kartzela zigorrak beteko dituzte AEBetako Gobernuarekin kolaboratzea, segurtasunaren aurkako delituak egiteko konspiratzea eta Irango Errepublika Islamikoaren aurkako jarduerak hedatzea egotzita.
Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.