Polizia iraniarrak torturatuta hildako emakume kurduaren kasuak herrialdea astindu du

  • Mahsa Amini 22 urteko emakume kurdua Teheranen atxilotu zuten pasa den asteartean, ustez hiyab-a "behar bezala jantzita ez eramateagatik". Komisaldegira eraman zuten eta handik ospitalera eraman zuten koma egoeran. Bertan hil zen. Protesta eta atxilotu ugari izan dira asteburuan. Asteburuan greba orokorra deitu dute Ekialdeko Kurdistanen.


2022ko irailaren 19an - 09:20
Mahsa Amini torturatuta hil dutela salatu du bere familiak.

Bertsio ofizialaren arabera, bihotzekoak jota hil zen Amini. Familiak ordea ez du bertsio hori sinesten. Bere aitak azaldu du alabak ez zeukala inolako osasun arazorik, eta epilepsiaz eta beste gaixotasun batzuez mintzo direnak gezurrean ari direla. Areago, Aminiren anaiak adierazi du arrebaren aurpegia puzturik zegoela, eta hankak mailatuak zituela, ANF berri agentzia kurduak jaso duenez.

Larunbatean egin zen Aminiren hileta, Aychi hirian, Ekialdeko Kurdistanen (Iranen menpeko Kurdistanen). Protesta moduan emakume ugarik haien beloak kendu zituzten; liskarrak izan ziren poliziarekin, eta hainbat lagun zauritu eta atxilotu zituzten. Aychin bezala, beste leku batzuetan ere izan dira protestak, Teheraneko unibertsitatean esaterako.

Rudaw berri agentzia kurduak zabaldutako informazioaren arabera, protestetan hamahiru lagun atxilotu eta 38 zauritu ditu Poliziak.

Emakume batzuek, bestalde, haien ilea moztu eta hiyabak erre dituzte, sare sozialetan zabaldutako bideoetan ikus daitekeenez.

Irango presidente Ebrahim Raisi-k doluminak adierazi dizkie Aminiren senideei telefonoz, eta adierazi die gertatutakoa ikertuko dutela, Irango hedabide publikoak zabaldu duenez.


Kanal honetatik interesatuko zaizu: Iran
Heriotza zigorra ezarri diete lau preso politiko kurduri Iranen, "Israelekin elkarlanean" aritzea egotzita

Komala alderdiak Irango Gobernuaren akusazioa ezeztatu du, eta adierazi du manifestariak “erreprimitzeko eta isilarazteko” saiakera dela.


Dortoka errea bazkaltzeko

Irango Zagros mendikatearen hegoaldean dagoen Ghar-e Boof kobazuloan ez dute hominidoen hezurrik aurkitu, baina bai haiek duela 80.000 urte inguru jandako animalien hezurrak; zehazki, 941 hezur.

Eta hezur horiek aztertuta, garai hartako dietaren berri jakin ahal izan dute... [+]


Kartzela zigorra ezarri diete Mahsa Aminiren heriotzaren berri eman zuten kazetari iraniarrei

Niloofar Hamedi eta Elaheh Mohamadi kazetariek sei eta zazpi urteko kartzela zigorrak beteko dituzte AEBetako Gobernuarekin kolaboratzea, segurtasunaren aurkako delituak egiteko konspiratzea eta Irango Errepublika Islamikoaren aurkako jarduerak hedatzea egotzita.


Sei herrialde gehiago Brasil, Errusia, India, Txina eta Hegoafrikak osatutako aliantzan

Brasil, Errusia, India, Txina eta Hegoafrikak osatutako aliantzak Johannesburgon egin duten azken goi-bilerako eztabaidagai nagusia izan da partaide gehiago onartzea. Saudi Arabia, Arabiar Emirerri Batuak, Iran, Egipto, Argentina eta Etiopia gonbidatu dituzte.


Eguneraketa berriak daude