Pentagonoak Trump gezurtatu du: AEBen erasoek ez dituzte guztiz suntsitu Irango gune nuklearrak
AEBetako Defentsa Departamentuko inteligentzia zerbitzuek eginiko txosten batek dio gune nuklearrei eginiko erasoek ez dutela Irango gaitasun nuklearra "guztiz suntsitu", bizpahiru hilabetez atzeratu baizik. Etxe Zuriko bozeramaile Karoline Leavitt-ek leporatu dio CNNri Trump presidentea gutxietsi nahi izatea, eta Etxe Zuriko maizterrak "zaborra" deitu die txostena argitaratu duten kazetariei.
Fordowr, Natanz eta Isfahan gune nuklearrei eraso egin berritan, igande goizaldean prentsaurrekoa egin zuen Donald Trump AEBetako presidenteak erasoaren nondik norakoak eta balorazioa azaltzeko. Prentsaurrekoan erasoek "ikaragarrizko arrakasta" eduki zutela adierazi zuen Etxe Zuriko maizterrak, eta Iranek arma nuklearrak garatzeko duen gaitasuna "guztiz deuseztatu" zutela. Bada, CNN eta New York Times hedabideek argitara atera dute AEBetako Defentsa Departamentuko inteligentzia zerbitzuen txosten bat, eta, horren arabera, Trumpek agindutako erasoek ez dituzte Irango gaitasun nuklearren "sustraiak" suntsitu, baizik eta bizpahiru hilabetez atzeratu.
Baieztapen horrekin bat egin du Irango Energia Atomikoaren Erakundeko bozeramaile Behrouz Kamalvandi-k, Irango telebista publikoan eginiko adierazpenetan: "Aintzat hartuta gure gaitasunak eta abileziak, industria nuklearrak jarraitu egin behar du, eta ez dute inoiz geratuko". AEBek eta Israelek Iranen aurkako gerran zehar horrenbeste aipatu duten "uranio aberastuari" dagokionez ere, IAEAko zuzendari Rafael Grossi-k jakinarazi zuen asteartean Iranek mineral hori "leku babestuetara" eraman duela.
AEBen bitartekaritzarekin Israelek eta Iranek adosturiko su-etena asteartean sartu da indarrean, Teheranek Washingtonek Iraken erabiltzen duen base militar bati eraso egin eta ordu gutxira. Indarrean sartu eta gutxira, ordea, kolokan egon da bi aldeek hitzartutako menia, Israelek haren aurka bi misil jaurtitzea leporatu baitio Irani. Iranek ukatu egin du Israelera misilik jaurti izana, eta aldiz, salatu du Israelek hainbat misil jaurti dituela. Trumpek Israeli egotzi dio su-etena urratu izana bere sare sozialean: "Israel, ez itzazu bonba horiek bota. Hori egitea urraketa handia da. Itzul itzazu zure pilotuak etxera, oraintxe bertan!"
Etxe Zuria eta Trump, bereari eutsiz
AEBetako Defentsa Departamentuko inteligentzia zerbitzuek eginiko baieztapenen erantzun gisa, Etxe Zuriko bozeramaile Karoline Leavittek leporatu dio CNNri Trump presidentea gutxietsi nahi izatea: "Denok dakigu zer gertatzen den helburu batzuen gainean 14.000 kilogramoko hamalau bonba botatzen dituzunean: erabateko suntsiketa". AEBetako armadak ere adierazi du Irango hiru gune nuklearren aurkako erasoak "aurreikuspen guztiak" bete zituztela, eta "arrakastatsuak" izan zirela.
NATO Ipar Atlantikoko Itunaren Erakundea urteroko goi bilera egiten ari da Hagan (Herbehereak), eta bertan da Trump. Herbeheretara bidaiatu aurretik, ordea, Etxe Zurian agerraldia egin du. Agerraldian, Irango gune nuklearren erasoen inguruko txostena argitaratu duten CNN eta New York Times hedabideetako kazetariei "zaborra" deitu die, erasoen arrakasta zalantzan jartzeagatik.
Ostiralean Alaskan izango duten bileraren bezperan heldu da mehatxua. Friedrich Merz Alemaniako kantzillerrak deituta, gailur birtual bat egin dute asteazkenean Zelenskik, Trumpek eta Europako hainbat agintarik. Ukrainako presidenteak adierazi du Trumpen eta Putinen arteko... [+]
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Astelehenetik asteazkenera bitarte eginiko aire erasoetan gutxienez ehun palestinar hil ditu Israelek, horietatik gehienak Gaza hirian, hura osorik okupatzeko asmotan. Gazako Osasun Ministerioaren arabera, 2023ko urriaren 7az geroztik 227 lagun hil dira elikagai eskasiagatik... [+]
AEBetako presidenteak Ukrainarekin su-eten akordio batera iristeko ezarritako epea amaituta, Alaskan bilduko dira Trump eta Putin ostiralean. Bloomberg hedabidearen arabera, Errusia eta AEBak gerra "izozteko" plan bat prestatzen ari dira, Moskuk orain arte Ukrainan... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Asteko albiste nagusietako bat izan da, zalantzarik gabe: ehuneko 50eko muga-zerga ezarri die Trump administrazioak Indiatik datozkien esportazioei. Brasilekin parekatuta, zerga estatubatuar astunenak pairatu beharko dituen ekonomia handia izango da, aldaketarik ezean,... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Joan den astean Trumpek ohartarazi zion Putini hamar eguneko epean Ukrainarekin su-eten akordio bat sinatu ezean, zigor ekonomikoak ezarriko dizkiola. Zelenskik sare sozialetan adierazi du ezinbestekoa dela Errusiako presidentearekin bildu aurretik lehenbizi su-etena... [+]
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Von der Leyenek eta Trumpek akordioa lortu eta astebetera egin du mehatxua AEBetako presidenteak, Europako herrialdeek hitzartutakoa beteko ez dutela kezkatuta. Europako produktuei %15eko muga zergak ipintzeaz gain, Europako Batasunak AEBetan 600.000 milioi euro gehiago... [+]
Suhiltzaileek kontrolpean dute Ibarbeibar ibarreko sutea, Eneritz, Muruzabal, Añorbe eta Obanos herrietan egondakoak hain zuzen ere. Nafarroako Gobernuak behin-behineko debekua ezarri dio nekazaritzan sua erabiltzen duen edo sor dezakeen makineriari.
Brasilgo Auzitegi Gorenak eman du sententziaren berri, Bolsonaro oraindik Luiz Inazio da Silva Lula Brasilgo egungo presidentea pozoitu eta Alexandre de Moraes epailea hil nahi izateagatik epaitzen ari diren bitartean. Sare sozialik erabili ezin zuenean,... [+]
Hiroshima eta Nagasakiko masakre nuklearren 80. urtemuga heldu zaigu, eta inoiz baino eskasagoak dira itxaropentsu izateko inputak. Hala ere, No More Hibakusha! aldarrikatzen jarraitu beharko dugu... ordukoei ez ezik geure buruari zor diogulako.