Maguette Mbeugouri babesik ez zaiola eskaini salatu dute
Mbeugouk bi aldiz salatu zuen indarkeria matxista jasaten ari zela. Irailaren 25ean hil du bikotekide zuenak, labankadaz.
aurre egingo dieten hedabide independenteak
2017an jakinarazi zuen Mbeugouk lehenengoz bere bikotekidearengandik indarkeria matxista jasaten ari zela, Udaltzaingoan jarritako salaketa batekin. Segurtasun Sailak Garari jakinarazi dionez, Udaltzaingoak ez zuen babes neurririk hartu.
Denboran hainbeste atzera egin beharrik barik, medikuarenean jakinarazi zuen indarkeria jasaten ari zela. Artatu zuen medikuak Mbeugou zaintzeko izapideak martxan jarri zituen. “Dagoeneko dena zegoen bidean, baina ez dugu lortu babestea”, adierazi de medikuak bere Twitter kontuaren bitartez.
Beste behin, prebentzio faltaren auzia azpimarratu da.
Maguette Mbeugou bere senarrak hil zuen labankadaz irailaren 25ean, 25 urte zituela, Bilboko Ollerietagoiena kaleko etxebizitza batean. Honen haurrak bertan ziren hilketa unean.
Gizonezkoa Mutrikun atxilotu zuen Ertzaintzak asteartean, eta atxilo daukate ordutik. Ostegunean dira gorpuaren autopsia egitekoak, eta behin hau burututa gizona Bilboko indarkeria matxista auzitegi baten esku egotera pasako da.
Emakumearen alabak Bizkaiko Diputazioaren esku daude momentuz. Instituzio foralak Mbeugouren anaiarekin eta gizonaren anaiarekin biltzeko asmoa dauka, haurren tutoretza erabakitzeko.
Mobilizazioak
Asteazkenean mobilizazioak egin dira Bilbon. Goizean, Udalak deituta, elkarretaratzea egin zen udaletxe aurrean. Ordezkari instituzionalak eta Bilboko afrikar komunitateko kideak batu ziren deialdian, hilketa gaitzesteko. Komunitate afrikarra arduratuta azaldu zen, eta salatu egin zuen Udaltzaingoan salaketa jarri izan arren Mbeugouri babesik eskaini ez izana.
Arratsaldean, Euskal Herriko Emakumeok Mundu Martxak deituta, manifestazioa egin zen Atxuriti auzotik Arriagaraino. Amaieran Marie Lucia Monshenek hitz egin zuen afrikar emakumeen izenean, eta emakume migratzaileek indarkeria bikoitza jasaten dutela azpimarratu zuen. Bizkaiko Senegaldarren Elkarteko Abdoulaye Wadek ere hartu zuen hitza, eta salaketa jarri ostean Mbeugou babestu ez izana salatzeaz aparte, indarkeria matxistaren biktima migratzaileentzako asiloa eskatu zuen.
Ostegunean, irailak 27, Euskal Herriko Emakumeon Mundu Martxak elkarretaratzeak deitu ditu Donostia, Gasteiz eta Iruñean. Donostian 19:30etan Bulebarrean, Gasteizen 20:00etan Andra Mari Zuria enparantzan eta Iruñean 20:00etan Udaletxe plazan.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana