Madrilgo adin txikikoen zentrora jaurtitako granada: "Gorroto diskurtsoak" eta prekarietate salaketak

  • Madrilen, poliziaren hitzetan"lehertzeko gertu ez zegoen" granada bat jaurti dute Hortaleza auzoko adin txikikoen harrera zentro bateko patiora, eraikinaren kanpoaldetik. Espainiako Barne ministro Fernando-Grande Marlaskak gertatutakoa lotu du "gorroto eta intolerantzia" diskurtsoekin. Zentroko gizarte-langileek, bestalde, erasoaren larritasuna azpimarratzeaz gain, adierazi dute hainbatetan salatu dutela zentroak bizi duen prekarietate eta masifikazio egoera.

ARGIA @argia
2019ko abenduaren 05a

"Bolborategia da. Instituzioek hau guztia geratu behar dute", dio Javier izeneko langileak ElDiario.es-en. Granada bat ez bada, beste zer edo zer izango da biharko egunean. Eta jipoituko gaituzten kaskamotzak etorriko dira. Mehatxu sentsazioa etengabea da". Lan baldintzez kexu da hezitzailea; espazio gutxi dutela dio, erropa eta ohe gehiago behar dituztela, baita langile gehiago ere. "Arrisku plusa eskaini digute, baina hemen baliabideak behar ditugu". Langileek oharra plazaratu dute. Besteak beste, alderdi politikoei eskatu diete gertatutakoa euren intereserako ez erabiltzeko.

Fernando Grande-Marlaska Barne ministroak, bestalde, gertatutakoa lotu du gazteen aurka jaurtitako gorroto eta intolerantzia diskurtsoekin, "zuzenean VOX aipatu gabe", ElDiario.es-eko kazetari Sofía Pérez Mendozak eta Pedro Aguedak zehaztu dutenez. Hain justu, alderdi xenofoboak jo-puntuan ditu gisa horretako zentroak eta zehazki Hortalezakoa, hainbat elkartek salatu duten bitartean leku horietan dauzkaten gazteak "kriminalizatzea" dutela batzuek helburu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Adingabekoen eskubideak  |  Prekarietatea  |  Espainia  |  Migrazioa

Adingabekoen eskubideak kanaletik interesatuko zaizu...
Azkenak
EGILEA
Eguneraketa berriak daude