“Egunean hirutan bortxatzen ninduen Geddes entrenatzaileak”
Frantziako estatuan 600 kirolarik salatu dituzte sexu erasoak: tenislariak, patinatzaileak, judolariak, atletak... Duela 20 urtekoak dira lehen salaketak, baina asko egungoak dira, hain zuzen 107 salaketa dira 2020-2021 denboraldikoak. Horietatik %70 emakumezkoek jasan zituzten eta %84 adin txikikoak ziren erasoak pairatu zituztenean. Azken asteotan Frantziako legebiltzarrak komisio bat sortu du gaia aztertzeko eta Angelique Cauchy tenislariak bertan egin ditu adierazpenak.
Angelique Cauchy tenislariaren testigantza gordina entzun da Frantziako legebiltzarraren komisioan. Azaldu du nola egin zuen Andrew Geddes entrenatzaileak pixkanakako prozesua, tenislari gaztea 400 aldiz bortxatzera iritsi arte: behin entrenatzailearen etxean lo egiten geratu zela, entrenatzaileak gurasoei argudiatu zielako ez ziola denborarik ematen kirolari gaztea etxera eramateko, "eta gurasoek ez zuten uste ezer gaizki irtengo zenik". Pixkanaka ohiko bihurtu zen kirolaria entrenatzailearen etxean lotan geratzea. Hasierako gauak lasaiak izan ziren, "bere gela utzi zidan eta berak salan egiten zuen lo" baina egun batean "ipuin bat kontatzen utziko zion" galdetu zion 12 urteko gaztetxoari, eta pixkanaka gero eta denbora gehiago ematen zuen lo hartu aurretik neskaren gelan, eta besarkadak ematen hasi zen, edo bizkarrean masajea emateko eskatzen zion: "Gauza horiek hain pixkanaka egiten joan zen, ze nahiz eta banekien ez zela normala, eta ez nuen gertatzerik nahi, ez nekien zein momentutan esan gelditzeko. Bakarrik nengoen, etxetik urrun, eta 12 urterekin ez zara gai heldu bati fisikoki eta psikologikoki aurre egiteko... are gutxiago miresten eta errespetatzen duzun norbait bada, eta batez ere pentsatzen baduzu pertsona horrek lagundu ahal dizula zure ametsak lortzen. 15 egun horiek nire bizitzako okerrenak izan ziren. Egunean hirutan bortxatzen ninduen".
Psikologikoki ere zanpatu zuen entrenatzaileak, hiesa kutsatu ziola sinetsarazi baitzion. Azaldu du bere buruaz beste egitea pentsatu izan zuela.
Kirolean indarkeriak duen zigorgabetasuna
Tenis munduan entrenatzaile horrek izan duen inpunitatea ere salatu du Cauchyk: “Omertá moduko bat zegoen, nahiz denek jakin egiten ari zena susmagarria zela. Nola ez zeuden seguru, beren buruei esan zieten afera ez zegokiela haiei, gurasoei baizik. Baina akatsa da umeak ez babestea”. Emakume batek gaia atera zion klubeko lehendakariari, baina erantzun hau jaso zuen: “Bai, baina tituluak ekartzen dizkigu”.
Egun Andrew Geddes 18 urteko kartzela zigorra betetzen ari da, 12 eta 17 urte bitarteko lau tenislari bortxatzea egotzita.
* Irailaren 24ko astekarian, erreportaje nagusian landuko dugu adin txikiko kirolariek bizi duten indarkeriei aurre egiteko EAEn indarrean sartu den legea eta kirol taldeen esku jarri den protokoloa, kirol eremuko eragile guztiek neurriak hartu ditzaten eta gaiari ezikusia egiteari utzi diezioten.
Gizonak ustez Ortuellako Jendea futbol taldean zuen posizioa baliatu zuen umeari argazkiak egiteko. Ertzaintzak ikerketa abiatu du eta aurretik antzerako salaketak zituela jaso dute.
.jpeg)
Sandra Siria Mendaza eta Hodei Sarasa Camacho Nafarroako Unibertsitate Publikoko Gizarte Laneko irakasleek haien ikerlanen ondorioak azaldu dituzte Nafarroako Legebiltzarrean. 2022Ko legean “komunitateko tutore” figura berria sortzea eskatu dute, harrera baliabidetan... [+]
16 urtez azpikoek laster ezingo dute sare sozialik erabili Australian, eta antzeko neurriak ezarri nahi dituzte Espainiako eta Frantziako gobernuek ere. Neurriaren eraginkortasunaz, sare sozialetako eduki eta dinamikez, pribatutasunaz eta plataforma handiek honetan guztian duten... [+]
Espainiako Eliza Katolikoak onartu du adingabeei egindako 1.057 sexu-gehiegikeria gertatu direla Elizan. Urteetan abusuak gertatu izana ukatu du edo kasuei garrantzia kendu die. Duela gutxira arte, Espainian salaketa gutxi zeudela edo salaketarik ez zegoela defendatu du Elizak... [+]
Neurri eta gomendioak biltzen dituen txosten bat aurkeztu du Legebiltzarreko batzordeak; esaterako, Osakidetzan, ikastetxeetan eta Ertzaintzan protokoloak berrikusteko eta eguneratzeko premia.
Save the Children erakundeak adigabeen kontrako sexu erasoei buruzko sententziak aztertu ditu. Datuok soilik “icebergaren punta” direla azpimarratu dute, kasuen %15a baino ez baitira salatzen.
TikTok enpresari 345 milioi euroko isuna ezarri dio Irlandako Datuen Babeserako Batzordeak, adin-txikikoen pribatutasuna behar bezala ez babesteagatik.
Kirola ahalik eta jende gehienek eta ahalik eta urte gehienetan egitea mesede da gizarte osasuntsu baterako. Baina ikerketen arabera, kirola egiten duten hamarretik ia zortzik indarkeria egoeraren bat jasan du. Izan daitezke irainak, oihuak, kolpeak, zigor fisikoak, arretarik... [+]
Haurren Laguntzarako Nazio Batuen Funtsak (Unicef) maiatzaren 3an argitaratu duen azterketaren arabera, haurren ezkontzak behera egin du munduan, baina oraindik badira munduan haurtzaroan ezkondu diren 640 milioi pertsona. Urtero gurasoek 12 milioi haur ezkontzen dituzte,... [+]
Auzipetutako hamar gizonetatik lauk zigorrak jaistea lortu dute 1 eta 13 urteraino, onartu dutelako adin txikikoei sexu abusuak egin zizkietela, besteak beste. Baina beste seiek errugabetasuna defendatzen jarraitzen dute, eta fiskaltzak 14 eta 34 urte arteko espetxe zigorrak... [+]
Hasi da Gasteizko Sansoheta zentroko aldundiaren zaintzapeko adingabeak prostituitu zituzten ustezko kideen aurkako epaiketa. Lehen egunean Fiskaltzarekin akordioa lortu dute auziperatutako lauk, eta hamahiru urterainoko kartzela zigorrak onartu dituzte.
Sexu erasoengatik salaketa bana jarri dute Gasteizen, Donostian et Iruñean. Horrez gainera, indarkeria matxista kasu gehiago salatu dituzte azken egunotan.
Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]
Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]