Indarkeria sufritzen duten hamar adingabeetatik zortzi neskak dira
Save the Children erakundeak adigabeen kontrako sexu erasoei buruzko sententziak aztertu ditu. Datuok soilik “icebergaren punta” direla azpimarratu dute, kasuen %15a baino ez baitira salatzen.
“Indarkeriaren biktima diren hamar adingabeetatik zortzik, erasotzailea ezagutzen dute. Oraindik ere familia ingurua da indarkeria gehien erreproduzitzen duen eremua”, dio Save the Children erakundeak osatu duen txostenak. Lan horretan adingabeen kontrako sexu erasoei buruzko sententziak aztertzen dituzte.
Barne Ministerioaren azken datuen arabera, sexu abusuen aurkako 8.317 salaketa aurkeztu ziren 2021ean; horietatik, %82,7 nesken aurkako erasoak izan ziren. Baina Catalina Perazzok, Save the Childreneko eragin sozial eta politikoko buruak, berretsi duenez datuok soilik “icebergaren punta” dira, kasuen %15a baino ez baitira salatzen.
Datuok kontuan izanda, haurren sexu abusuaren frogarik handiena “biktimaren deklarazioa” dela aitortu du erakundeak. Araba, Bizkaia eta Gipuzkoan, esaterako, kasuen %69,6an erabili da biktimaren deklarazioa “frogabide nagusi” modura. Datuen arabera, gainera, biktima batzuek “behin baino gehiagotan” deklaratu behar izaten dute, eta epaiketa baino lehen “hiru aldiz deklaratu behar izaten dute polizien eta fiskalaren aurrean, eta epaitegian”.
Arabako, Bizkaiko eta Gipuzkoako kasuei jarraiki, profilak zehatzak dira. Biktimaren kasuan, 10-14 urte bitarteko neskak. Erasotzaileei dagokienez, berriz, ezagunak izan ohi dira haurrentzat, inguru-familiarreko kidea izan ala ez.
Barnahus eredua
Save the Childrenek proposatu du “arreta integralekoa” izango den Barnahus eredua ezartzea, zeinak biktimaren lekukotza ingurune adiskidetsuan grabatzeko aukera ematen duen, teknologia egokiarekin, profesional espezializatuarekin eta prestakuntza handiarekin. Haurrak bere testigantza “behin baino gehiagotan” errepikatzea ekidingo luke horrek. Euskal Herrian, Gasteizen abiatuko dute lehena, urte amaieran.
.jpeg)
Lanpostuak, emakumeak artatzeko egonaldi ertaineko harrera zerbitzua eta aurrekontua murriztu ditu Aldundiak.
Zizur Nagusiko institutu batean 41 pertsona grabatu zituen eta haietako 30 bere ikasleak ziren. Argazki batzuk sare sozialak erabilita lortzen zituen eta adimen artifizialarekin aldaketak egiten zituen.
San Roman auzoko jaietan bost neska adingaberi ukituak egiteagatik 18 urteko mutil bat atxilotu zuen Ertzaintzak Muxikan (Bizkaia). Udalak eta herriko Mugimendu Feministak elkarretaratzea deitu dute asteartean 20:30erako.
Akusazioa onartu, eta eragindako kalteengatik, kalte ordainak ordaindu dizkio: zigorra jaitsi diote, eta, beraz, ez du kartzelara sartu beharko. Beste gizon batek aitortu du bost urtez bikotekideari sexu abusuak egin zizkiola: zigorra jaitsi diote hamahiru urtetik laura, eta... [+]
Erasoa Loinatz jaietako azken egunean gertatu zen. Goierriko Itaiak elkarretaratze bat antolatu zuen gertakaria salatzeko.
Hiru gizonetatik bi adin txikikoak dira eta epaitegian deklaratu dute. Hirugarrenaren bila ari dira.
Bizkaiko Lurralde Auzitegiak hamahiru urte eta sei hilabeteko kartzela zigorra ezarri ostean, zigorra berretsi du EAEko Auzitegi Nagusiak. Lópezek helegitea aurkeztu zuen sententziaren aurka, haren errugabetasun presuntzioa eta defentsarako eskubidea urratu zirela... [+]
Sexu-erasoak, bikotekideen edo bikotekide ohien erasoak eta bestelako senideek egindakoak hartu dituzte kontuan zenbaketan. Bizkaian, %29 egin dute gora salatutako sexu-erasoek.
13 urteko mutil bat da Adolescence telesailaren protagonista, bere eskolako neska bat erailtzeagatik atxilotua. Lau kapitulutan zehar saiatuko gara ulertezina ulertzen, baina gidoilariek ez digute azalpen errazik emango, baizik eta bullying dinamika nahasiak, manosferaren eragin... [+]
Bilbon, Larraskitu auzoan, familiaren etxean gertatu da. Eztabaida bortitz baten ondoren emakumeak etxetik ihes egin du eta Udaltzaingoari deitu dio. Udaltzainek alabaren eta aitaren gorpuak aurkitu dituzte etxean. Emakumea ospitalera eraman dute zaurien ondorioz.
Salatu dute 69 urteko gizonak hogei urtean egin zituela erasoak. Donostian bi gizon atxilotu dituzte, adingabe bat bortxatzea leporatuta; beste bi gizon ere ikertzen ari dira, talde bortxaketako parte izan daitezkeelakoan. Salaketa jarri duen adingabea Gipuzkoako gizarte... [+]
2023ko abenduan notizietara salto egin zuen Gernika-Lumok: bertako saskibaloi entrenatzailearen kontrako salaketa bat zegoen sexu eraso jarraituak egitearren. Sare Feministaren izenean, zurrunbilo mediatikoan murgildu zen Apraiz.
Gipuzkoako auzitegi baten arabera 2016 eta 2018 urteen artean bost aldiz bortxatu eta beste hainbat sexu eraso zein tratu txar egin zizkion, neskak 12-14 urte zituenean. Gizonari hamasei urte eta hiru hilabeteko kartzela zigorra eta kalte ordainetan 50.107 euro ordaindu beharra... [+]
Hemezortzi hilabeteko kartzela zigorra ezarri dio epaitegiak, baina ez du zigorra bete beharko. Azken hamarkadan, dozenatik gora emakumek salatu dute aktore frantziarraren sexu erasoen biktima izan direla. 2021ean Les volets verts filmaren grabaketan eraso ziela salatu zuten bi... [+]
Donibane Garazi inguruko herri ttipi batean sortua da Bea, eta 1970eko hamarkadan ondoko eskola publiko batean ikusi zituen bortizkeria, sexu eraso eta bortxaketak salatu dizkigu. Irakasleak eragiten zizkiela tratu horiek ama eskolako eta lehen mailako haurrei, mutikoak bortizki... [+]