Hiru sexu eraso salatu dituzte azken egunetan Euskal Herrian
Sexu erasoengatik salaketa bana jarri dute Gasteizen, Donostian et Iruñean. Horrez gainera, indarkeria matxista kasu gehiago salatu dituzte azken egunotan.
Joan den ostiralean gizon bat atxilotu zuen Udaltzaingoak Gasteizen, ostean aske uzteko, urruntze aginduarekin. El Correo egunkariak eman zuen atxiloketaren berri, eta iturri horren arabera Gasteizko Instrukzioko 4. zenbakiko Epaitegia eta Udaltzaingoa gizona ikertzen ari dira, adin txikiko bi alabei sexu erasoak egin izana leporatuta.
Erasotuak izandako bi neskatoen amak, ikerketapean den gizonaren bikotekide ohiak, jarri du salaketa. Hark deklaratu duenez, zazpi bat urteko epe-tartean jazo ziren erasoak, etxeko pribatutasunean. Alegia, haurren aurkako erasoak sistematikoak izan ziren urte horietan guztietan, ustez duela lau urte eten ziren arte.
Gasteizkoaz gain, azken egunetan sexu eraso gehiago salatu dituzte. Iruñeko Udalaren bidez igandean jakin zenez, larunbat gauean emakume batek sexu erasoa pairatu zuen. Udaletik, emakumeari elkartasuna eta babesa adieraztearekin batera, haren eskubideak eta intimitatea zaintzeko nahia agertu zuten, eta ez zuten erasoaren inguruko detaile gehiagorik eman.
Larunbatetik iganderako goizaldean jazo zen salatutako hirugarren sexu erasoa, Donostian. 14 urteko emakume batek salatu du gizon batek bortxatu egin duela, jai giroan murgilduta zegoen Loiolako Erriberak auzoan. Segurtasun sailaren arabera, ustezko erasotzailea ere adin txikikoa da. Ikerketa abiatu dute gertatutakoaren gainean.
Indarkeria matxista kasu gehiago
Sexu erasoez gain, indarkeria matxista kasu gehiago ere salatu dituzte egunotan. Berriak asteartean jakinarazi zuenez, Arabako Foru Aldundiaren tutoretzapeko adingabe batek hezitzaile bat salatu zuen pasa den astelehenean, sexu abusuengatik. EITBren arabera, gaztearen hezitzailea da salatutakoa, eta abuztuan jazo zen erasoa. Ertzaintza gertakariak ikertzen ari da, eta bien bitartean hezitzailea postutik kendu dute, eta kaleratzeko espedientea zabaldu diote.
Araban bertan, Gasteizko Zabalgana auzoan, 34 urteko gizon bat atxilotu zuen Udaltzaingoak astelehenean, bikotekide ohiari eraso egin izana leporatuta.
Iruñean, ostera, Emakumeen aurkako Indarkeriaren Auzitegiak bermerik gabeko behin-behineko kartzelaldi komunikatua agindu du gizon batentzat. Urruntze agindua izan arren, bikotekide ohiaren etxera joan eta Berriak jasi duenez, bikotekide ohiarengana hurbiltzea debekatua zuen arren haren etxera joan eta mugikorreki mezu bidez mehatxuak eta irainak egin zizkion.
Nagyrev (Austro-hungariar Inperioa), 1911. Zsuzsanna Fazekas emagina hungariar herrixkara iritsi zen. Bere egitekoaz gain, medikuntza, kimika eta beste alor askotako oinarrizko ezagutzak zituenez, eta Nagyreven ez medikurik eta ez apaizik ez zegoenez, berehala eragin handia... [+]
Atzo egindako agerraldi publikoan adingabeei egindako iruzkin matxistei eta emakume helduek pairatutako ukituei dagokizkien garrantzia eman nahi izan zieten.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]