ARGIA.eus

2022ko abenduaren 08a

Sansoheta auziko sei akusaturentzako zigor eskariak 34 urteraino handitu dituzte

  • Auzipetutako hamar gizonetatik lauk zigorrak jaistea lortu dute 1 eta 13 urteraino, onartu dutelako adin txikikoei sexu abusuak egin zizkietela, besteak beste. Baina beste seiek errugabetasuna defendatzen jarraitzen dute, eta fiskaltzak 14 eta 34 urte arteko espetxe zigorrak eskatu ditu.

Adin txikikoei sexu abusuak egiteagatik auzipetutako hamar gizonak Arabako Probintzia Auzitegian. / Argazkia: Eitb.
ARGIA @argia
2022ko urriaren 04a - 11:53

Irailaren 26tik urriaren 3ra egin dute Sansoheta auziko epaiketa Arabako Probintzia Auzitegian, eta sententziaren zain geratu dira. Akusatutako sei gizonentzako kartzela zigor eskariak gogortu dituzte: fiskaltzak 14 eta 34 urte artekoak, eta herri akusazio gisa parte hartu duen Clara Campoamor Elkarteak 30 eta 47 urte arterainokoak.

Hamar gizon epaitu dituzte guztira, 2016an Arabako Foru Aldundiaren Sansoheta zentroan zaintzapean zeuden 14 eta 17 urte arteko zazpi adin txikikori sexu abusuak egitea leporatuta. Epaiketako lehen egunean lau gizonek akordioa eskuratu zuten fiskaltzarekin, delituak onartu eta “damua” erakutsita. Zigorrak txikitzea lortu zuten: 1 eta 13 urte arteko kartzela zigorrak bete beharko dituzte.

Beste sei akusatuak, ordea, sententziaren zain geratu dira, errugabe direla defendatu baitute. Aitortu dute neska-mutil horiei ordaindu egin zietela “sexu-harremanak” izateagatik, baina azaldu dutenez, “ez zekiten” adin txikikoak zirela. Biktimek deklaratu dute agerikoa zela ez zituztela 18 urte, “ume arpegia” zutela, eta fiskaltzak ere akusatuei egotzi die ez zirela arduratu biktimen adin nagusitasuna ziurtatzen. Delitu hauek leporatzen dizkiete: adin txikikoak galbideratzea, sexu abusuak egitea, adingabeei pornografia erakustea eta osasun publikoaren aurkako delituak egitea.


Adingabekoen eskubideak kanaletik interesatuko zaizu...
2022-09-26 | ARGIA
Adin txikikoei sexu abusuak egin izana onartu dute akusatutako hamar gizonetatik lauk

Hasi da Gasteizko Sansoheta zentroko aldundiaren zaintzapeko adingabeak prostituitu zituzten ustezko kideen aurkako epaiketa. Lehen egunean Fiskaltzarekin akordioa lortu dute auziperatutako lauk, eta hamahiru urterainoko kartzela zigorrak onartu dituzte.


2022-09-21 | ARGIA
Hiru sexu eraso salatu dituzte azken egunetan Euskal Herrian

Sexu erasoengatik salaketa bana jarri dute Gasteizen, Donostian et Iruñean. Horrez gainera, indarkeria matxista kasu gehiago salatu dituzte azken egunotan.


2022-05-04 | Estitxu Eizagirre
Montse Martí, kirolean adin txikikoek jasaten dituzten indarkerien ikerlea
"Kirol munduko sexu erasotzaileak biktima, familia eta kluba denboraz prestatzen ditu"

Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]


2022-05-03 | Estitxu Eizagirre
Kirolean indarkeria gehiago jasotzen dute mutilek neskek baino

Kataluniako Viceko Unibertsitateko kirol karreran irakasle da Montse Martín. Euskal Herriko Unibertsitateak antolatuta, hitzaldia eskaini du Donostian apirilaren 6an. Europa mailako ikerketa bat egiten ari da, beste bost herrialdetako unibertsitate eta kirol eragilerekin... [+]



Irakurrienak
Argia buletina
Egunaren laburpena
zure e-postan
Eguneraketa berriak daude