Macronek ez du inoren gogoa guztiz bete, ez ezker ez eskuin
Frantziako presidenteak Jaka Horien ezinegona lasaitu nahi izan du, baina mugimenduko askoren gogoa ez du bete. Macron krisiari aurre egiteko izandako jarreraz desenkusatu zen telebistan egindako diskurtsoan, baina estatuburu baten irmotasuna azaldu du eta, antza, prest dago mugimenduaren “desafioa”-ri eusteko.
Emmanuel Macronek lau neurri ekonomiko iragarri ditu. Deigarriena hauxe: gutxieneko soldata 100 euro handiagoa izango da 2019an. Bigarrena, aparteko lan orduak ez ditu zergapetuko. Hirugarrena, langileei aparteko lansari bat ordaintzeko eskatu die enpresariei, eta laugarrena, CSG zerga –gizarte kontribuzio zabala– ez da igoko 2.000 euroko pentsioa dutenentzat.
Neurriak neurri, enpresariei eskatua beteko ote den ez dago ziurtatuta. Macronen diskurtsoan “eztabaida nazionala” espresioa gailendu zen, Errepublikako “egoera ekonomiko eta soziala une larrian” dagoela azpimarratu zuen. Jaka Horien eskaerak “zilegi”-tzat jotzen ditu, baina “indarkeria” bitarte egin izanak ezbaian jarri du euren zilegitasun demokratikoa bere hitzetan. “Horregatik, Frantziako presidenteak sektore guztien arteko “itun sozial berria” lortzeko adostasuna beharrezkoa ikusten du.
Alabaina, fortunaren gaineko zerga (IDF) ez duela ukituko iragarri zuen. Bere agintaldia abiatzean, etxebizitzaren gaineko zerga (IFI) apaldu zuen, betiere, aberatsen dirutzaren gaineko zerga ez zuela aldatuko irmo adieraziz.
Aitzitik, enpresa handien zergak ez daitezen Frantziatik kanpo egin, bere gobernuak ihes fiskalaren aurka tinko borrokatuko duela esan zuen, baita, besteak beste, Facebook eta Google enpresekiko zergen (GAFA) segimendu zorrotza eginen duela esan ere.
Macronek iragarritako politika sozial berrien eragina heldu den asteburuan neurtuko da. Jaka Horien mugimenduak lau astez eraman duen borrokarako ohiko deia luzatu du larunbaterako. Horrenbestez, bosgarren protesta astea izango litzateke. Macronek iragarritako neurriek ez dute, itxura batez, Jaka Horien gogoa bete.
Ongi doazen ikasleak talde batean, zailtasunak dituztenak, bestean; maila akademikoaren arabera banatuko dituzte ikasleak datozen ikasturtean, Frantziako Estatuan. Ikasleak sozialki eta akademikoki sailkatu eta bereiztea, desoreka areagotzea eta egoera okerragoan daudenak... [+]
Espetxe zigor arinak eskatu ditu Frantziako fiskaltzak Parisen epaitzen ari diren Jean Noel Txetx Etcheverry eta Beatrice Mollerentzat, ETAren helburuen arabera jardutea egotzita. Hala, zigor horiekin bakegileek ez lukete espetxera joan beharko. Maiatzaren 16an emango dute... [+]
ETAren armagabetzea bideratzeko, bakegileekin lankidetzan aritu ziren Frantziako autoritateak. Hala adierazi du Matthias Fekl Barne ministro ohiak asteartean, Parisko Zigor Auzitegiko 16. ganberan, Beatrice Molle-Haran eta Jean-Noël Txetx Etcheverry-ren aurka egiten ari... [+]
Guillaume Kasbarian Etxebizitza ministroa eta Bruno Le Maire Ekonomia eta Finantza ministroa Baionan egonen dira ostiral honetan. Etxebizitza eskubidearen aldeko elkarretaratzera deitu du Herrian Bizi plataformak.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]