Lurraren izenean
“Kriminal egitatea da laborariak defendiatzea hitz ederrez eta lehertzen uztea ezarriak diren politika neurriez. Laborantzako giderrak dauzkatenak axolatu gabe badaude, hilerazte hori baiesten dute”. Indartu elkarteko biltzar nagusian entzun ziren hitz ozen horiek, Marc Crepon filosofoak zituen jalgiak nekezia gorrian diren laborarien izaite dorpea aipatzeko.
Tanpez bete dira behin eta berriz gure Euskal Herri huntako zinema gelak, “Au nom de la terre” filma agertu delarik. Kanboko ikusaldi hartan, bururatu zelarik pelikula, jendea iltzatua bezala gelditu zen nor bere jargiari. Errespetuz ala errabiaz, eztakit. Eta jende multzo batzu egon ziren gero kanpoko aldean solasean, hain segur elgarri sustengu ekarri beharrean, etxerat itzuli aitzin.
Bortitza zen zinegilearen ikusgarria, eta kausitu du ikusliarren inharrostea. Bere aitaren heriotz mina hor dauka gogoan sekulako. Bizkitartean bageramatza etxeko oroitzapenetik haratago, aitaren omenetik zabalago. Argi salatu du laboraria inguratzen duen sistema guzia urrikigabea dela huts erdi bat egiten duenarentzat, izan dadila etxaldearen kudeaketa nekezien gatik, ala osagarri arranguren gatik. Bankoak, axurantzak, material ala zaldare enpresak, eta beste zenbat holako, hor dituzu denak berehala berena eskuratu nahian. Orduan hasten bakar bakarrik senditzearen infernu gordina, den emazte ala gizon sorraioenaren estimu eta indar gabetze beltzena!
Gorestekoa da Indartu eta Solidarités Paysans elkarteek eramaiten duten lana. Gure lurralde bakotxean gertatzen baitira oraino filma hunek erakutsi dauzkigun laborarien itotzeko egoerak. Eta elkarte hauetako kideek, berantegi gabe deituak badira, badakite laguntza ekartzen. Entzuten egonen dira lehentasunez, emazte ta gizon laborarien bihotz zaurtuak baitira artatu behar, etxaldeko konduak ikertu behar diren bezainbat. Ihardokitzeko gogoa berpizten izaten dira lanak, handik hara gaindi ezinik ez da.
Bortizkeria eta inguruko maltzurreria salatzeraino ausartu behar da, dio Crepon-ek: “… laborarien eta hazleen munduak sofritzen du. Ez da aski sofritzen duela erraitea, nahiz inportanta den horren ikustea, nahiz gure herritar askok nekez onartzen duten, nahiz hainbeste arduradun publiko ari diren alegia ez ikusi edo nekeziaren mendratzen. Hori ez da nahikoa, baitezpadakoa da konprenitzea oinaze horik bortizkeria baten ondorioak direla. Garrantzizkoa da bortizkeriak salatzea zehazki, gero ta larriagoak diren bortizkeriak. Orduan baizik ez da ihardokipena nagusituko eta antolatuko...”
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]
Aurten, berriz ere, Euskaraldia izan dugu. Bi astez, gure hizkuntza-ohiturei erreparatu diegu, geure buruari galdetuta zenbat eta nola egiten dugun euskaraz. Baina ariketa horretatik harago, galdera handiago bat ere pizten da: zeren araberakoa da hizkuntza baten biziraupena?... [+]
Ekainaren 12an munduko bazter guztietatik –Euskal Herritik ere– heldutako ehunka pertsona batuko dira Egiptoko El Arish hirian, hortik Rafah-raino abiatzeko, Gazaren aldeko martxa globalean. Israel palestinar herriaren aurka egiten ari den genozidioa salatuko dute,... [+]
Nahiz eta jakina izan inkestak ez direla errealitatearen isla zehatza, interesgarria da bistadizo bat ematea, beti eskaintzen baitigute gai zehatzekiko tenperatura sozialaren arrastoren bat. Are garrantzitsuagoak dira, gai zehatzetan sartuegiak edo katramilatuak egoteagatik,... [+]
Haurrak begiratzeko gure paradigma ez da erabat aldatu, baina aldaketak-edo egiten ari gara, egia da, beste kontzientzia maila batekin, aferak duen garrantziagatik-eta. Bazen garaia. Kontua da, baina, haurren bizitza gure esku dagoela, eta behar duten bizimoduan aldaketak... [+]
Stanfordeko Unibertsitateak dohainik eskaintzen duen Storm deituriko erreminta ezagutu berri dut. Adimen artifiziala erabilita, edozein gairen inguruan artikulu akademikoak sortzeko diseinatutako ikerketa tresna da. Fidagarriak eta baimenduak diren hamaika iturri erabiltzeko gai... [+]
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
Erdaraz hitz egiten duzu, Francok nahi zuen bezala’ kamiseta dut gogoan egunotan, OlaXonMario Galiziako sortzaile digital kuir eta independentistaren diseinua.
Gogora ekarri dut, lehenengo, Isabel Díaz Ayusok alde egin duenean Imanol Pradales lehendakariak... [+]
Noizbehinka aipatu ohi da zientzia, edo hobe esanda akademia, gizartetik urrunegi dagoela. Gauzak honela, aditu eta arituen arteko distantzia ahalik eta txikien izatea da jasangarritasunaren zientziaren zioetako bat. Jasangarritasunaren arloan aritzen garen zientzialariok... [+]
Lorazainok bi hilabete baino gehiago daramatzagu greban, eta, horietan, udaltzaingoek indarrez zapaldu gaituzte piketeetan. Hirian zehar jarraitzen gaituzten sekretek jazartzen gaituzte, eta mobilizazio bakoitzean zelatatzen gaituzte. Enpresak ez gaitu aintzat hartzen, eskaintza... [+]
Nork sinesten du urtebetean Ordiziako errealitatea goitik behera aldatu dela eta desorekak desagertu direla?
Udaberriko oporren ataritan egunkarietan Begoña Pedrosak eman zigun titularra: Ordiziak ez du desorekei aurre egiteko plan berezirik behar... [+]
“Hauxe titulu bitxia” erranen du aspaldian leitzen nauen ARGIAko irakurleak. Jakingo du halaber Stanley Kubrick zinegilearen azken filmaren zale amorratua naizela. Horrek hura esplika dezake. Funtsean, begiak zabal itxita begiratzen diogu munduari, bereziki Gazako... [+]
Badirudi Europar Batasuna eskalada beliko betean sartu dela. Munduaren ordena geopolitikoa kolokan dabil eta Europak bertan zuen pribilegiozko lekua galtzeko arriskua ikusi du. Autonomia estrategikoaren lemapean, beste neurri askoren artean, industria armamentistikoa... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]