“Lurra taupaka” festara deitu du Amillubi proiektuak, maiatzaren 11n
Laborantza lur emankorrak ondasun kolektibo bilakatu nahi ditu Amillubi proiektuak. Horretarako herritarren eta hainbat kolektibo eta erakunderen ekarpenak biltzen ari da eta maiatzaren 11rako egun osoko festa antolatu du Amillubin bertan, egitasmoari bultzada emateko.
Joan den abenduan eman zuen ezagutzera Biolur nekazaritza ekologikoaren aldeko Gipuzkoako elkarteak Amillubi, lurra taupaka ekimena. Urola ibaiaren meandroan, Zestoako Iraeta auzoan kokatuta dagoen Amilibia baserria eta bere lurrak ondasun kolektibo bilakatzeko helburuarekin ekin diote egitasmoari. Erreportaje honetan azaldu genuen sakon proiektua.
"Egungo krisi ekologikoaren eta lehen sektoreak bizi duen zailtasunen testuinguruan, Amillubik Euskal Herriko Elikadura Burujabetza garatzeko pausu txiki baina estrategikoa izan nahi du, orain urte batzuk Ipar Euskal Herrian martxan jarri zen Lurzaindiaren lorratzari jarraituz" adierazi du Biolurrek. Horretarako 150.000 euroko diru-bilketa abiatu dute, eta orain artean 100.000 euro batu dituzte herritar, kolektibo zein erakundeen ekarpenei esker. Maiatza bukatzerako beste 50.000 euro lortzea dute erronka (hemen egin daiteke ekarpena) eta horretarako, beste hainbat ekimenen artean, egun osoko festa antolatu dute.
Lurra taupaka festa "diru bilketaz harago, egitasmoa elkarrekin partekatzeko"
Amillubi proiektuaren asmoetako bat da herritarrak proiektura biltzea eta elikadura burujabetzaren aldeko urratsak ematea. Horretarako, urtero bi topagune nagusi antolatzea pentsatu dute: bata udaberrian (maiatzaren 11ko festa hau izango da estreinakoa) eta bestea udazkenean. Udaberriko topaguneei "izaera ludikoa" eman nahi diete eta udazkenekoak hausnarketarako izango dira: "Epe-ertainera begirako proiektuak zehazteko eta epe luzera begirako bide-orria adosteko", kideek adierazi dutenez.
Amillubi proiektuak herritar denei dei egin die maiatzaren 11n Amillubira joateko, proiektua bertatik ezagutzeko eta Lurra Taupaka festaz gozatzeko.
Egitaraua
11:00etan hasiko dute eguna eta inguratu direnei Amillubi egitasmoaren aurkezpena eta bisita egingo diete. 12:00etan bi ekintza egongo dira aukeran: barre egiteko gogoz denak Enekouchekin (Antton Telleria) dauka aukera Lurrarekin konexioa saio umoretsua ikusita eta hankak luzatu nahi dituenak "Baso bainu-ibilaldia" egin ahalko du Tantaiko kideen eskutik. Egunean zehar umeentzako txokoa egongo da.
13:30ean poteo musikatua egingo dute EHko Batukada Feminista Sareak girotuta. 14:30ean pikoteo-bazkaria izango da eta bazkalostean jarraituko du festak:
15:30ean umeentzako clown ikuskizuna eskainiko du Itziar Saenz de Ojer-ek eta 16:30ean "Grego"ren (Beatriz Egizabal) bakarrizketa umoretsuak piztuko du giroa helduen artean. 17:30ean Mejillon Tigre kolektiboaren errezitaldiak emango dio jarraipena.
Eta eguna biribiltzeko, 18:30ean kontzertuak eskainiko dituzte Pelax, 3zur eta Babarrunba taldeek.
Sarrerak aurrez salgai
Sarrerak salgai daude Interneten eta aurrez erosi beharko dira. Aukera hauek jarri dituzte:
Goiza soilik 10 euro.
Arratsaldea soilik 15 euro.
Egun osoa 20 euro.
Bazkarirako txartela 10 euro.
12 urtetik beherako umeek dohainik dute sarrera, baina bazkari gabe.
Autoz joango direnei, antolatzaileek ohartarazi diete autoa Iraetako futbol zelaiaren ondoko aparkalekuan uzteko. Futbol zelaiaren ondoko eremutik oinez egingo da Amillubirako bidea eta kotxe lanzadera bat ere izango da aukeran. Behar bereziak dauden kasuan, antolatzaileekin harremanetan jartzeko eskatu dute (koordinazioa@amillubi.eus helbidera idatzita, adibidez).
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Hau idazten ari naizela, kanpaina bukatzear dugu. Datorren astelehenean jetzaldi batera pasako gara. Horrek esan nahi du hiru egunetik behin egingo dugula gazta, eta gaztek izango dituztela bospasei kilo. Uztailaren bigarren astean edo utzi egingo diogu gazta egiteari.
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]
Maiatzaren 10ean Zestoako iraeta auzoan kokatuta dagoen amillubi proiektuan elkartu ziren elikadura burujabetzaren aldeko herritarrak eta laborariak. Udaberriko Festaren bigarren edizio honetan, goizean bi mahai-inguru antolatu zituzten eta entzulez bete zen amilibia baserri... [+]
Uda da sasoirik oparoena baratzean. bai, behintzat, udaberrian ereintza eta landaketa lanak egin badira. iazko uda ez dadila errepikatu desio dute elikagaiak lurrean eta zeruari begira lantzen dituzten laborariek. Izan ere, batez beste %45 uzta txikiagoa jaso zuten. Datu hori... [+]
Gaur, maiatzak 15, San Ixidro da, Baserritarren Eguna. Egurra Ta Kandela baserritar ekintzak salatu du ekologikoan lan egiten duten laborariak landutako azalera handitzeko diru-laguntzatik kanpo utzi dituela Gipuzkoako Foru Aldundiak. Horregatik, 12:00etan Aldundiaren aurrean... [+]
Aurten ez dut aparteko ilusiorik San Ixidro egunerako. Ez dut girorik aurkitzen. Ingurura begiratu eta giro ospela. Burua lanean jarri behar izan dut epeltasun bila, eta hara non, azaldu zaizkit gure gazten zain hilabeteak daramatzaten lagunen irribarreak. Bihotza epelxeago dago... [+]
Izenak, berez, ez du izana gordetzen. Papera ez da nahikoa, nahiz eta paperak denari eusten dion. Busti arte. Halaxe gertatu da Gipuzkoako Foru Aldundiko Lurralde Oreka Berdeko Departamenduarekin. Izan ere, izenak gorde beharko lukeen izanari uko egin dio; besteak beste, 2023ko... [+]
Maiatzaren 10ean egun osoko festa berezia antolatu dute Zestoako Amilibia baserrian. Agroekologiaren eta elikadura burujabetzaren alde, Gipuzkoako Biolur elkarteak abiatutako proiektua da Amillubi, eta udaberriko hitzordua aitzakia paregabea izanen da tarte eder bat partekatu... [+]
Gasteizko Basaldea etxaldean dago kokatuta Soilik nekazaritza birsortzaileko proiektua, Abetxuko auzoan, eta Jaime Garcia, Joseba Vigalondo eta Javier Chaves dira bultzatzaileak. “Lehen sektorean, eredu agroekologikoan inkorporazio berriak bultzatzea da gure helburua,... [+]
2020. urteko udaberrian lorategigintzak eta ortugintzak hartutako balioa gogoan, aisialdi aktibitate eta ingurune naturalarekin lotura gisa. Terraza eta etxeko loreontzietan hasitako ekintzak hiriko ortuen nekazaritzan jarraitu du, behin itxialdia bareturik. Historian zehar... [+]
Euskal Herri mailan txikitik handira agroekologia sustatzen duten zenbait elkarte eta kooperatiba ataka larrian daude, finantziazio iturriak bertan behera geratu ostean. Erakunde publikoetatik, berriz, elikadura negozio gisa ikusten duten proiektuen aldeko apustu irmoa nabari... [+]
Iruñean bizi ziren Iñaki Zoko Lamarka eta Andoni Arizkuren Eseberri gazteak, baina familiaren herriarekin, Otsagabiarekin, lotura estua zuten biek betidanik. “Lehen, asteburuetan eta udan etortzen ginen eta duela urte batzuk bizitzera etorri ginen”, dio... [+]
Gaur abiatu da Bizi Baratzea Orrian kide egiteko kanpaina. Urtaro bakoitzean kaleratuko den aldizkari berezi honek Lurrari buruzko jakintza praktikoa eta gaurkotasuneko gaiak jorratuko ditu, formato oso berezian: poster handi bat izango du ardatz eta tolestu ahala beste... [+]
Gipuzkoako hamaika txokotatik gerturatutako hamarka lagun elkartu ziren otsailaren 23an Amillubiko lehen auzo(p)lanera. Biolur elkarteak bultzatutako proiektu kolektiboa da Amillubi, agroekologian sakontzeko eta Gipuzkoako etorkizuneko elikadura erronkei heltzeko asmoz Zestoako... [+]