Lubaki Langile Elkartasun Sarea sortu dute Bergaran, klase batasuna oinarri
Hasiera batean, Bergara mailan antolatuko da sarea. Lan arloa zein genero eta etxebizitza problematikak lantzeari ekingo diote lehendabizi, dinamikekin eta heziketa politikorako saioekin uztartuta. Urriaren 19an batzar informatiboa egingo dute, herritarren zalantzak argitzeko.
Asteazkenean aurkeztu dute Bergaran (Gipuzkoa) Lubaki Langile Elkartasun Sarea. Krisi testuinguruak sortutako "desoreka eta segurtasun ezaren aurrean, elkar babesteko" tresna izatea du helburu Lubakik. "Saretzearen beharra" nabarmendu dute arazo horiei guztiei aurre egiteko: "Sakabanatuta dauden indar horiek guztiak modu eraginkorrean antolatzea ezinbestekoa iruditzen zaigu".
Hala, hasiera batean Bergara mailan antolatutako sarea izango bada ere, eskualdeko borrokak batzeko asmoa agertu dute, "klase batasuna oinarri". Izan ere, Lubakiko kideek azaldu dutenez, hamaika dira langileek jasaten dituzten erasoak, baina guztiek ere "sistema kapitalista daukate erroan". Hori dela eta, euren praktikak "sistemaren osotasunaren azteketaren baitan" kokatu nahi dituzte.
Lan-lerroak abiapuntu
Horretarako, ikasturte honetan hainbat lan-lerro izango dituztela argitu dute. Batetik, lan arloa eta "genero zein etxebizitza problematikak" landuko dituzte. Bestetik, "gai konkretuak lantzeko dinamikak eta heziketa politikorako hitzaldi, mintegi eta mahai inguruak" antolatuko dituzte. Aurrerago lan-lerro berriak irekitzeko asmoa ere azaldu dute, "behar eta gaitasunen arabera".
Batzar informatiboa, urriaren 19an
Behin jendaurrean aurkeztuta, "zalantzak argitzeko eta azalpenetan sakontzeko" batzar informatiboa egingo dute Lubakiko kideek. Urriaren 19an izango da, 17:00etan, Bergarako Irizar jauregian.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Greban dira Benito Menni egoitzako langileak joan den abuztuaren 25etik, irailaren 8ra bitarte. Hermanas Hospitalarias enpresak agindutako kaleratzeen eta unitate itxieren aitzinean, Nafarroako Gobernuak ez duela arduratsuki jokatzen ari salatu dute.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
