Legutioko Imaginate Framak langileei zor zizkien 9.000 euroak ordaindu dizkie, hilabetetako borrokaren ostean
Hilabete hasieran abiatu zuten Legution 'Imaginate, zor duzuna ordaindu' borrokaldia, enpresari exijitzeko hainbat behargini zor zien dirua ordaintzea. Langileen hilabetetako presioaren eta gazte antolatuek deitutako mobilizazioen ostean, Imaginate Framak 9.000 euroak ordaindu dizkie begiraleei.
Legutioko (Araba) kultur etxeko Gaztegunea eta ludoteka kudeatzen ditu Imaginate Frama enpresak, eta 9.000 euro zor zizkien hainbat langileri. Aste honetan jakinarazi dute begiraleek, hilabetetako borrokari esker, zor zien guztia ordaindu diela dagoeneko enpresak: "Hilabete hasieran bost egun iraun zituen borrokaldiak, urte eta erdiz luzatzen ari zen prozesua katalizatzea lortu du".
Langileek 2018. urteko irailean adierazi zizkioten enpresari euren desadostasunak eta exijentziak: "Lanorduak ez ziren Arabako hitzarmenak ezarritakoaren arabera ordaindu, lanordu guztiak ez ziren Gizarte Segurantzan jaso, kontratu guztiak ez ziren helarazi eta sinatu, eta jaiegun eta gaueko plusak ez ziren ordaindu".
2019. urteko azaroan jaso zuten beharginek enpresaren erantzuna: zor zieten dirua ordainduko zietela esan zuen. Hurrengo hilabeteetan, ordea, ez zuten diru kopuru horren berri izan, eta ordutik, enpresaren "xantaiak, mehatxuak zein mespretxu jarrerak" jasan behar izan zituzten.
Imaginate Framak erakutsitako jarrera zela-eta, Legutioko gazte sektore antolatuak borrokaldi berria jarri zuen martxan urtarrila hasieran, Imaginate, zor duzuna ordaindu lemapean. Egindako presioaren ondorioz, mobilizazioak geldiarazteko eskatu zuen enpresak, eta beharginei zehazki zor zien zenbatekoa kalkulatzeari ekin zion.
Hurrengo egunetan ordainduko ziela adierazi zuen berriro, baina egoerak bere horretan jarraitzen zuenez, borrokaldiarekin jarraitzea erabaki zuten gazteek. Urtarrileko aurreneko egunetan Imaginate Framak antolatzen duen Gabonetako PINean elkarretaratzea egin zuten, besteak beste. Azkenean, hilabete amaieran izan dute garaipenaren berri.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]