Lazo horiak kendu dituzte ertzainek legebiltzarreko leihoetatik, Bakartxo Tejeriaren aginduz

  • EH Bilduren bulegoan zeuden jarrita preso katalanen aldeko ikurrak. Eraikineko segurtasun zerbitzuek kendu dituzte Eusko Legebiltzarreko presidente Bakartxo Tejeriaren ebazpen bati jarraiki.

ARGIA @argia
2019ko apirilaren 04a
Eraikinaren kanpoaldetik ikus zitezkeen arren, barrualdean zeuden itsatsita xingolak, EH Bilduren bulegoan (arg: Julen Arzuaga)

Lazo edo xingola horiak ostiraletik zeuden jarrita EH Bilduren leihoen barrualdean eta ostegunean, osoko bilkura egunean, ertzainek kendu egin dituzte, “Presoak etxera” zioten kartel batzuekin batera. Mikel Otero koalizio abertzaleko ordezkariak grabatu du momentua.

Xingola horiak ostiraletik zeuden jarrita EH Bilduren leihoen barrualdean eta ostegunean, osoko bilkura egunean, ertzainek kendu egin dituzte, “Presoak etxera” zioten kartel batzuekin batera. Mikel Otero koalizio abertzaleko ordezkariak grabatu du momentua. Hala Bedik jakitera eman duenez, Tejeriak bitan eskatu die EH Bilduko kideek xingolak kentzeko eta denbora tarte bat ere eman die, baina hauek uko egin ondoren eman du agindua.

Aurretik, legebiltzarreko mahaia elkartu da ikur horien presentziaren inguruan eztabaidatzeko. PPk eskatu du mahaia biltzea –organo horretan ordezkaririk ez duen arren– eraikineko leihoetan “sinbolo partidistak” zeudelako. Tejeriaren ebazpenak dioenez, xingolak barrualdetik itsatsita bazeuden ere, kanpoaldetik ikus zitezkeen eta horrek hauteskunde legea urratzen du, EAEko ganberako presidentearen arabera.

Hala Bedik jakitera eman duenez, Tejeriak bitan eskatu die EH Bilduko kideei xingolak kentzeko eta denbora tarte bat ere eman die, baina hauek uko egin ondoren eman du agindua. Aurretik, legebiltzarreko mahaia elkartu da ikur horien presentziaren inguruan eztabaidatzeko. PPk eskatu du mahaia biltzea –organo horretan ordezkaririk ez duen arren– eraikineko leihoetan “sinbolo partidistak” zeudelako.

Lazoekin batera hainbat kartel zeuden euskal presoen etxeratzea eskatuz, horiek ere erretiratu dituzte agenteek, Oterok azaldu duenez.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Eusko Legebiltzarra kanaletik interesatuko zaizu...
Azkenak
EGILEA
Eguneraketa berriak daude