Sare sozialak arakatu eta Gasteizko grafitigileak zigortu nahi ditu Urtaranen gobernuak
Zerbitzu sekretuen alorrean erabili ohi diren OSINT teknikak erabiliko dituen enpresa bat kontratatzeko proiektua lizitaziora atera du Gasteizko Udalak, Arabako Alea-k jakitera eman duenez.
"Pintaketa bandalikoak" saihestu eta egileak atzeman nahi ditu aspaldidanik Gasteizko Udalak. Haien aurkako ehiza hainbatetan salatu dute grafitigileek; Gorka Urtaran alkatearen arabera, "kalte handiak" eragiten dituzte hiriaren ekonomian eta bizikidetzan. Horixe bera argudiatuz, lizitaziora atera du Gasteizko Udalak OSINT edo Open Source Intelligence sistemak erabiliko dituen enpresa bat kontratatzeko proiektua, hala jakinarazi du Arabako Alea-k. Teknika horiek inteligentziaren esparruan erabiltzen dira, eta oinarrian, publikoak diren informazioak baliatzen dira pertsona fisiko edo juridikoak arakatzeko: sare sozialak, esaterako.
Grafitiaren Bulego Birtuala
Gabonetako oporren aurretik jakinarazi zuen alkateak Grafitiaren Bulego Birtuala jarriko duela martxan 2023 honen hasieran. Adierazi zuenez "egunero jasoko da hiriko grafitiei buruzko informazioa", jarraipen berezia egiteko bandalikotzat jotzen diren obra eta egileei. "Kontrol integrala egiteko modukoa" izango dela esan zuen César Fernández de Landa hirigintza zinegotziak.
Badu aurrekaririk Grafitiaren Bulego Birtualak: Coruñakoa (Galiza) da ezagun egin den kasua. Salaketak ipintzera bultzatzen zaie herritarrei.
Leioako XXIII. Umore Azoka ospatuko da datorren asteburuan. Arte eszenikoetako 43 konpainia eta 90 emanaldi izango dira ikusgai; tartean izango dira Euskal Herriko hamazazpi konpainia.
Lau horma irudi egingo dira aurten. Urtero hainbat artista gonbidatzea da udalaren asmoa. Artista bakoitzak hamar urteko bermea ematen du bere horma irudia bere horretan mantenduko dela ziurtatzeko.
“Hedabideek isilarazten dutenaz mintzo dira hormak”, zioen erdaraz Barakaldoko mural batek 1990eko hamarkadan, horma-irudien eta pintaketen zeregin nagusia azpimarratu nahian. Ahots anonimoak dira, horman idatzitako hitzetik mintzo direnak, espontaneoak gehienak, gai... [+]
Street Art Cities plataformak egiten duen sailkapenean, munduko hirugarren onena hautatu dute Ondarroako Kamiñazpin dagoen Lian muralgilearen lana.
Igor Rezola Dizebi grafitigileak Donostia 2016 Europako Kultur Hiriburutzaren enkarguz egin zuen lana ezabatzea erabaki du Donostiako Udalak. "Kapitalismoa borrokatu" idatzi zuen Itsasondoko artistak, eta ondoren, "ismoa borrokatu" estali zuen horman... [+]