Lau gizon atxilotu dituzte indarkeria matxistagatik

  • Bilbo, Erandio eta Soraluzen gertatu dira erasoak, asteartea eta asteazkena bitartean. Erasotzaileak 18 eta 36 urte arteko gizonezkoak dira.


2019ko urtarrilaren 02an - 15:44
Eraso matxistak salatzeko elkarretaratzea, Bilboko Indautxu auzoan (Argazkia: Ecuador Etxea)

Astearte eguerdian jazo zen lehen erasoa, Bilbon. Ertzaintzak jakinarazi duenez, 18 urteko gizon batek bere bikotekidea izandako emakumea jo eta mehatxatu zuen. Erasotzailea atxilotu egin zuten, eta emakumea ospitalera eraman, artatua izateko.

Astearte arratsaldean Erandiotik deia jaso zuen Ertzaintzak, etxebizitza batean eraso bat ematen ari zela aditzera emanez. Erasotzailea eta erasoa jasandakoa BI-735 errepidean geldiarazi zituen poliziak, etxetik joanak baitziren. Antsietate krisiak jota aurkitu zuten emakumea, eta anbulantziari dei egin zioten berau artatzeko.

23 urteko erasotzaileak urruntze agindua zeukan indarrean, eta mugikorra eta giltzak kendu zizkion emakumeari. Indarkeria matxista eta urruntze agindu judiziala urratzea egotzita atxilotu zuten.

Asteartean bertan, bikotekidea jo eta laban batekin mehatxatu zuen 25 urteko gizonezko batek. Erasoa gelditzen saiatu zen emakume bat ere kolpatu zuen erasotzaileak. Bi emakumeak ospitalean artatu zituzten eta gizonezkoa atxilotu egin zuten, Eibarko epaitegiaren esku utziz.

Asteazken goizaldean 36 urteko gizon batek emakume bat jo du Bilboko Gordoniz kalean. Anbulantzia eta Ertzaintza bertaratu dira, eta emakumea ospitalera bideratu dute. Gizonezkoa Iparragirre kalean atxilotu dute.


Irakurrienak
Matomo erabiliz
Azoka
Kanal honetatik interesatuko zaizu: Indarkeria matxista
2024-04-21 | Diana Franco
Teknologia
Indarkeriatik deskonektatu

Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.

Eremu... [+]


Psikologo gutxiago indarkeria matxisten biktimak artatzeko

Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.


2024-04-16 | ARGIA
Gizon bat atxilotu dute Ziburun, emakume bat hotel bateko bosgarren solairutik jausi ondoren

Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.


Nafarroan sexu indarkeria pairatzen duten emakumeen %70ak 30 urte baino gutxiago ditu

Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]


Eguneraketa berriak daude