Langile publikoen euskara eskakizuna arintzea nahi zuen Irungo Elkarrekin Podemosek, baina ez du lortu
Langile publiko izateko hizkuntza eskakizunetan, Eusko Jaurlaritzak "euskaldun pasiboak" (belarriprestak) aintzat hartzea proposatu du Irungo Elkarrekin Podemosek. Atzerapauso garbia eta lan arloan euskarari oztopoak jartzea dela ulertuta, mozioaren kontra bozkatu dute EH Bilduk eta EAJk, eta azkenean ez da aurrera atera.
Zehazki, Elkarrekin Podemosek Eusko Jaurlaritzari eskatzen zion aintzat hartzea "ulertzeko gaitasun nagusia duten euskaldun pasiboen profil asimetrikoak, herritarrekiko harreman zuzenik ez duten lanpostuetan". Praktikan, horrek lanpostu publikoetan euskara eskakizuna malgutzea esan nahi duela iritzi diote EH Bilduk eta EAJk, euskara bultzatzeko urteotan egin den ahaleginaren kontrako norabidean.
Hala, mozioaren kontra bozkatu dute bi alderdi horiek, PSE abstenitu egin da eta PPk eta Elkarrekin Podemosek proposamenaren alde egin dute. Mozioa ez da aurrera atera.
Dinamika tranpatia
Euskaraldiko esperientzia hartu du oinarri Elkarrekin Podemosek: belarriprestak buruan, euskaraz hitz egin ez arren euskaraz ulertzen duena lanpostu publikoetan ofizialki aitortzea zuen helburu, baina udalbatzan oposizioak gogoratu dionez, euskara eta gaztelania ez daude egoera berean, eta esperientzia herritarra administraziora eramatea dinamika tranpatia da.
Euskalgintzaren Kontseiluko idazkari nagusi Paul Bilbaok berak euskarari egindako eraso larritzat jo du mozioa aurkeztea bera.
Ez dezagun ahaztu, langile publikoei euskarazko B2 maila eskatzea "belarriprestak" baztertzea delakoan epaitegietara jo du berriki CCOO sindikatuak. Edota duela hilabete batzuk, Irungo udaltzain izateko oposaketetan euskara eskatzea euskara ez dakitenenganako diskriminatzailea dela iritzita, deialdia baliogabetu zuen EAEko Auzitegi Nagusiak.
Halakoak ikusita, garbia da Irungo oposizioaren mezua: administrazioan euskararen normalizazioak behar duena da babes juridiko irmoa.
Maider Behotegi Euskararen Erakunde Publikoaren (EEP) lehendakariak inbertsio handitze guztiak berri onak direla adierazi zuen iaz. Hala ere, erakunde bakoitzak gutxienez 300.000 euro gehiago ipintzea "beharrezkoa" dela nabarmendu zuen, helburua 2050ean hiztun kopurua... [+]
Osakidetzak berak aitortzen duenez, “komunikazioa tresnarik garrantzitsuenetako bat da jarduera asistentzialean; beraz, zerbitzuaren kalitatea bermatzeko, ezinbestekoa da paziente eta erabiltzaileak erosoen eta seguruen sentitzen diren hizkuntza ofizialean jardutea”.
Aiaraldeko Hizkuntzen Mapa proiektuarekin bat egin dute Amurrioko Amaurre, Zaraobe, Aresketa Ikastola, Mendiko Eskola eta Zabaleko ikastetxeek. Aiaraldeko Euskalgintza Kontseiluarekin elkarlanean udalerrian presente dauden hizkuntzak ikertu dituzte.
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Bai Euskarari ziurtagiria lortzeko interesa agertu duten herriko 42 elkarte eta establezimenduekin Euskararen Mapa osatu dute Urruñan. Euskara «biziago» egiteko pausoak emateko prest liratekeen eragileak identifikatu ondoren, urratsak egiteko laguntza emango zaie,... [+]
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Egungo kurduerazko idazle esanguratsuenetakoa da Mizgin Ronak. Zortzi liburu ditu idatzita, bost eleberri eta hiru olerki liburu. 16 urte zituenean ihesera jo zuen, eta urte eta erdiren ondoren haren jaioterrian atxilotu zuten, Diyarbakirren. 1992an, 18 urte besterik ez zituela,... [+]
Lau urtero hiru txapelketa jokatzen ari da Oihana Bartra Arenas azken hogei urteetan. Bertsolaritza lehia baino gehiago dela jakitun da, baina lehia uzteak ekar lezakeen amildegiak beldurra ematen dio.
Madrilgo presidente Ayuso faxistak itsuskeria egin dio EAEko lehendakari Pradalesi, euskaraz aritu delarik, harrokeriaz, aldibereko itzulpen sistema erabiltzeari uko egin eta alde eginda. PPko senatari batek ere “txorradatzat” hartu du “hogei... [+]
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
2024ko irailean, herritar batek salatu zuen Erandioko udaltzain batek arreta euskaraz ukatu eta jokabide hori behin baino gehiagotan errepikatu zela, baita telefonoz kexatu zenean ere. Salaketak erakusten duenez, hasiera batean, arreta eta dokumentazioa gaztelaniaz bakarrik eman... [+]
Joan den maiatzaren 23an iragan da, Baigorriko elizan, aparteko kontzertu bat: 180 haurrek, 7 eta 15 urte artekoek, maila handiko kantu emanaldia eskaini diote eliza mukuru bete zuen jendeari. Haur horietarik batzuk Donazaharre eta Baigorri aldean kokatua den Iparralai musika... [+]
Azkoitian egindako aurtengo lehenengo batzar nagusian batu dira UEMAra ondoko bost herri hauek: Donamaria, Ibarrangelu, Mundaka, Mutiloa eta Ormaiztegi.
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
2025eko Aberri Egunean, Imanol Pradales lehendakari jaunak “Euskadi Nazioa da” eta “hemen jarraitzen dugu eta jarraituko dugu, gure hizkuntzarekin eta gure nazio nortasunarekin, ez izan zalantzarik”, ozenki esan zituen.
Euskalduna naizen aldetik,... [+]