Langileen eskubideek okerrera jo dute azken hamarkadan, bereziki Europan eta Ameriketan
Nazioarteko Sindikatuen Konfederazioak (ITUC) urtero argitaratzen duen txostenak langileen eta sindikatuen egoera globala gero eta okerragoa dela adierazi du.
Nazioarteko joera da langileen eskubideetan atzera egitea, ITUC Global Rights Index 2025 erakundearen txostenaren arabera, herrialdeen %87an greba eskubidea urratu da eta %75ean langileak ezin dira sindikatuetara askatasunez afiliatu edota ezin dira sindikatuak eratu ere. Hainbat herrialdetan errepresio handia dagoela salatzen du txostenak, 71 estatutan langileak atxilotu dituzte nazioarteko eskubide aitortuak erabiltzeagatik, eta bostetan sindikalistak hil dituzte.
Europa
Europari begira, txostenak adierazten du Mendebaldeko demokraziek ez dituztela langileen eskubideak bermatzen. Horrela 1etik 5era bitarteko puntuazio sistemarekin nota jartzen die herrialdeei 97 adierazle oinarri gisa izanda. 1 zenbakiak urraketa gutxi daudela islatzen du, 5ak inolako babesik ez dagoela adierazten du. Europak 2,78ko puntuazioa jaso du batez beste, Espainiako Estatuak 2 bat jaso du; txostenaren arabera, "ez dira atzerapauso larririk erregistratu", baina "egiturazko tentsioak" daude oraindik.
Nazioartean
Munduko kasu okerrenetakoa Argentina da, Javier Milei presidentetzara heldu zenetik langileen eskubideek okerrera jo dutela dio txostenak. Protesta "kriminalizatzen" duela eta kaleratzeak "malgutzen" dituela salatu dute, hori dela eta, 3tik 4ra pasatu da herrialdea. Puntuazio okerrenak Ekialde Ertainak eta Ipar Afrikak jaso dituzte: 4,68.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
EHUk eginiko ikerketaren arabera, Araba, Bizkaia eta Gipuzkoako etxeko langileen %43,10ak ez du inoiz lan kontraturik izan, baina enplegatzaileen %70ak uste du "baldintza ezin hobeak" ematen dizkietela beren etxeko langileei. Etxeko langileen %27,4 egoera... [+]