Lan merkatuan emakumea ez integratzeak ondorio makroekonomikoak ditu
Nazioarteko Diru Funtsak argitaratu du Emakumea, lana eta ekonomia: genero berdintasunetik etekin makroekonomikoak. Gaur egun, emakumeak jarduera ekonomikoan, hazkundean eta ongizatean duen parte-hartzeak zein emaitza makroekonomiko dituen aztertu du lantalde batek. Ondorio orokorra argia da: emakumeen ahalera ez da nahikoa baliatzen.
Hainbaten artean egindako txostenaren arabera, emakumeak lan merkatuan pausoak eman baditu ere, oraindik ordaindu gabeko lan asko egiten segitzen du.
Soldatapeko lanak berriz, sarri jarduera informalak dira eta sektore behartsuenek egiten dituzte.
Gizonen eta emakumeen soldaten arteko arrakala handia da gaur egun ere. Diskriminazioaren ondorioz, ordainpeko lanak eskuratzeko bidea trabaz betea du emakumeak, baita goi karguak lortzeko bidea ere.
Nazioarteko Diru Funtsarentzat ikerketa egin duen lantaldearen ustez, "merkatuak hazten jarrai dezan" emakumeak ere hazkunde horretan hartu behar du parte.
