Lan eskaintza publikoan aurrera eramandako prozesu “arduragabearen” aurka agertu dira suhiltzaileak
Ehunka suhiltzaile bildu dira asteazken goizean Bilboko udaletxearen aurrealdean, laneko arropak soinean eta zarata egiteko prest. Sektoreko oposaketetan gardentasun falta egon dela salatu dute, eta ordezkari politikoen inplikazioa eskatu dute beren salaketei bide emateko.
Sindikatuekin adostutako Lan Eskaintza Publikoa aldarrikatu dute gaur goizean udaletxeko eskaileretan bildu diren beharginek, eta beharrezko ikusten dute kudeaketa, Arkautetik barik, tokiko instituzioetatik gidatzea. Gogorarazi dute oinarriak argitaratu baino lehen aldebakarreko kudeaketa horrek ekarriko zituen arriskuez ohartarazi zutela langileen ordezkariek.
Hala, izena emateko baldintzetatik hasi (historia pertsonalera sartzeko baimena eman behar izatea eta proba psikoteknikoen emaitzak baliozkotzat jotzen zirela sinatzea, besteak beste) eta zuzenketaraino (prozedura legala jarraitu ez duten zuzenketak, aldaketak eta oinarrietan jaso gabeko birbaremazioa), "arduragabekeriaz" jokatu izana leporatu diete arduradunei.
Horrez gain, salatu dute proba piskoteknikoek gehiegizko pisua izan dutela, lanposturako beharrezko ezagutzak baloratu ez direlarik. Bestalde, sindikatuek "diskriminazioa" ikusi dute azterketan, geografiakoaren kasuan bi eredu egon baitziren.
Gaitzetsi dute prozedura guzti horren emaitza gisa, zera gertatu dela azpimarratu dute: "Deialdian sartzen ziren bi suhiltzaileen zerbitzuak esperientziadun lagilerik gabe geratuko dira". Araban eta Gipuzkoan bitarteko langileen ehuneko oso txikiak soilik gainditu ahal izan du lehenengo proba.
Bestalde, "epe laburregia eman da galderei erreklamazioak egiteko, koadernotxorako sarbiderik izan gabe azken momentura arte eta psikoteknikoetakoa eman gabe". Bada, horrek alegazio eskubidea "murriztu" duela deritzote.
Amaitzeko, nabarmendu nahi izan dute hautagaiei ez zaiela bermatu ariketa guztia euskaraz egin ahal izateko eskubidea, oinarriek hala jasotzen bazuten ere.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.