Lagundutako suizidioa despenalizatzeko eskatu dio EAEko Legebiltzarrak Espainiari
Suizidio lagundua eta eutanasia despenalizatzeko eskariak aurrera egin du Eusko Legebiltzarrean EAJ, EH Bildu, PSE-EE eta UPyDren aldeko botoekin. PPk kontra bozkatu du.
Proposamenak Espainiako Zigor Kodea aldatzea eskatzen du, 143. artikulua zehazki.
El Paísek argitaratu duenez, alderdiak ez daude guztiz ados lagundutako suizidioa eskubidetzat jo dadin eman beharreko urratsez. EH Bildu Amaiurren bidez Espainiako Gorteetan ekimen legegilea aurkeztekotan dela argitaratu du Prisa taldeko egunkariak.
PPren gehiengo absolutuarekin gauza handirik lortzea zaila izango dela uste dute –“eraman ezazue Kongresura eta han ikusiko dugu zer gertatzen den”, adierazi du Carmelo Barrio EAEko PPko kideak–.
Nolanahi, eskariaren alde bozkatu duten alderdiek uste dute eskubide kontua dela, polemikoa akaso, baina norbanakoei aitortu beharrekoa.
Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.
2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.
Osasunbideko arduradunek zehaztu dutenez, bermatu da eskubidea ahalik eta berme handienekin gauzatzea bai herritarrentzat, bai eskatzaileentzat, bai haien senitartekoentzat, eta baita osasun-profesionalentzat ere.
Eusko Jaurlaritzak jakinarazi du 34 eskaera jaso dituztela Eutanasiaren Legea ekainean indarrean sartu zenetik; hamahiru laguni hiltzeko laguntza medikoa eman diete, eutanasia egin aurretik hil dira zortzi, beste eskakizun bati uko egin diote eta gainerako hamabiak... [+]