Europako Banku Zentralak %2ra igo du ditu interes-tasak. Azken hilabeteetan hirugarren aldiz jarraian igoera handi bat egin du, inflazioari aurre egin nahian. Horrek, baina, hipoteketan eta herritarren poltsikoetan eragiteaz gain, atzeraldi ekonomikoa sor dezake aditu askoren ustez, eta langabezia gehiago ere bai.
Christine Lagarde Europako Banku Zentraleko (EBZ) buruak ostegunean iragarri du interes-tasak %0,75 gehiago igoko dituztela eta, hortaz, %2an jarriko dira. 2009tik mailarik altuenean jarri du diruaren prezioa Frankfurtek, eta hori azkenaldian goia jota dagoen inflazioari aurre egiteko dela dio.
Lagardek azaldu duenez, ildo beretik jarraituko dute gainera, eta "bileraz bilera" ikusiko dute interes-tasak igotzen segi edo ez. Euren mandatua zein den gogorarazi du EBZko buruak: "Prezioen egonkortasuna". Hala, inflazioa %2an egon arte politika berarekin jarraituko dutela dio –gaur egun boskoiztu egiten du portzentaje hori–.
Lagardek onartu du interes-tasak igotzeak ekonomia kaltetu eta atzeraldiaren arriskua sor dezakeela; horrek "langabezia gehiago ekar dezake etorkizunean, baina egin behar duguna egingo dugu", adierazi du.
Interes-tasen igoerak zuzenean eragingo die hipoteka bat duten herritarrei, bankuek Euribor indizea igoko baitute prezioen igoeren zama herritarren bizkar jarriaz. Soilik Espainiako Estatuan ia 15.000 milioi euro igaroko dira herritarren poltsikoetatik bankuen diru-kutxetara, artikulu honetan azaldu genuen bezala.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Urte gutxiren buruan lanik aurkituko dutela uste dutenen kopurua 20 puntu beherago kokatzen da bost urteren ostean. Norberaren gogobetetzearen balorazioari dagokionez, 10 puntu jaitsi da 2015etik.
Egunero milioi bat dolar xahutuko balitu bost aberats horietako bakoitzak, 476 urte beharko lituzkete aberastasun guztia agortzeko. Era berean, 2020tik hona, munduko 5.000 milioi pertsonaren erosahalmena murriztu egin da. Oxfam GKEaren aurtengo txostenaren emaitzak dira.
Fundazioak 650 lagun ingururen elikadura bermatzen du urtean. Erakundetik diote azkeneko bi urteetan laguntzarik gabe geratu diren pertsonak artatu ahal izan dituztenak baino gehiago izan direla.
Berokuntzari edo higiene-produktu batzuei ere uko egin behar diete ikasleen ia erdiak, Cop1 erakundeak argitaratutako ikerketa baten arabera. %25ek 50 euro baino gutxiago izaten dituzte eskura, alokairua eta tasak ordaindu ondoren.