Laboaren Lekeitioen entzunaldiak egingo dituzte Tabakaleran
"Zinema belarrietara. Non dago Lekeitio?" zikloa abiatuko da ostegunean, uztailak 1, Tabakaleran ikusgai dagoen Komunikazio-inkomunikazio erakusketaren aitzakian. Mikel Laboaren Lekeitioen entzunaldiak egingo dituzte, artista banak lagunduta.
Maiatzaren amaieran zabaldu zuten Mikel Laboaren obraren inguruko Komunikazio-inkomunikazio erakusketa Tabakaleran, eta erakusketaren bueltan hainbat jarduera antolatu dituzte. Horien artean, Xalba Ramirezek kronika honetan jasotako kontzertua. Bihartik aurrera, ordea, Laboaren Lekeitioen entzunaldi-zikloa abiatuko da.
Uztailean eta abuztuan zeharreko bost saiotan Laboaren Lekeitioak saileko zenbait piezaren entzunaldiak egingo dituzte Tabakalerako zinema aretoan. Artista banak gidatuko du saio bakoitza, eta helburua da Laboaren soinu piezok elkarrekin entzun eta haiek utzitako arrasto intimoak ezagutzea.
- Uztailak 1 (19:00): Garazi Navas (EU), Orreaga (Lekeitio 6), 1978
- Uztailak 15 (19:00): Marie Cosnay (FR>EU), Baga biga higa (Lekeitio 2) 1969. Sinfonikoa, 1997
- Abuztuak 5 (19:00): Mohamed Boujalal (FR>EU), Itsasoa eta lehorra (Haizearen orrazia) (Lekeitio 7), 1985
- Abuztuak 12 (19:00): Pedro G. Romero (ES), Mugak (Lekeitio 9), 1992
- Abuztuak 26 (19:00): Garbiñe Ortega (EU), Komunikazio-Inkomunikazioa (Lekeitio 5), 1977
Beñat Achiary, Bartzelonara bidean zen Artze anaiekin, ikuskizuna eskaintzera, txalaparta eta ahots inprobisazioa abangoardia ziren garaian –eta ez soilik ekitaldietarako betekizuna–. Auto motela, errepide luzea, aulkia erdi etzana, eguzkia kopetan, eta... [+]
Euskaraldiaren barruan, Berlingo aberastasun linguistikoa aldarrikatzeko Sprachen im Widerstand. Kurdischer una Baskischer Abend ekitaldia antolatu zuen, Euskal Etxeak, Freie Unibertsitateko euskara irakurletza, Etxepare Institutua, Schöneberg auzoko PallasT elkartea eta... [+]
Laboaldia antolatu dute Azpeitian asteazken honetatik aurrera. Mikel Laboa omendu nahi dute egitarau zabalarekin, baita hori baino zerbait gehiago ere: Donostiako musikariaren unibertsoa gaur egungo testuingurura ekarriz, sortzeko grina transmititzea da egitasmoaren xedeetako... [+]