LABek eta ELAk Bizkaiko metalgintzan borrokan jarraitzeko deia egin dute
Ostiraleko (ekainak 21) bosgarren greba eguna aurrekoak bezain arrakastatsua izan zen, bi sindikatuen irudiko. ELA, LAB, CCOO eta UGT sindikatuek osaturiko plataformaren eskakizunak bete bitartean mobilizazioei eusteko apustua berretsi dute.
Ekainaren 21ean Bizkaiko metalgintzaren bosgarren greba eguna deitu zuten ELA, LAB, CCOO eta UGT sindikatuek. Aurreko egunetan bezala, milaka langile atera zen kalera. ELA eta LAB sindikatuek prentsa ohar bana igorri diete komunikabideei, azken greba eguna baloratuz eta aurrera begirako posizioa adieraziz.
Jarraipen zabala eta patronalaren itxikeria
ELAren esanetan, ostiraleko greba egunean “aurreko deialdietan bezala, jarraipena oso handia izan da eta berriz ere milaka eta milaka langilek Bilboko kaleak bete dituzte. Indar erakustaldia izan da diru-gosez jokatzen duen patronalaren aurrean”. LABek ere jarraipenaren zabala nabarmendu du, eta aurreko egunetako errepresioari aipamen zuzena egin dio: “FVEMek uste bazuen patronalaren eta poliziaren errepresioarekin Bizkaiko metalgintzako langileria geldituko zuela, hemen du erantzuna”. Bilboko manifestaziora joan aurretik Durangaldeako langileak Durangoko epaitegien aurrean kontzentrazioa egin zutela azpimarratu du LABek. Ostegunean atxilotutako bi langilek epaile aurrean deklaratu zuten ostiral eguerdian.
Sindikatuek gogorarazi dute patronalak sektoreko langileen eskakizunei muzin egiten jarraitzen duela. “876 milioitako irabaziak poltsikoratu dituztela publikoki esan duten arren, sektoreko langileei miseria besterik ez diete eskaini. Argi dugu azpikontrata, ABLE edota ebentualei eskubideak bermatuko dizkien hitzarmena izango dela lortu behar duguna”. ELAk sindikatuen plataforma bateratuaren aldarrikapen nagusiak gogorarazi ditu: “igoerak soldata errealetan (KPI + %1) eta tauletan (KPI + %2); subrogazio eskubidea; behin-behinekotasunari eta ETTei buruzko neurri zehatzak; lanaldiaren murrizketa; berdintasunari eta lan osasunari buruzko eskaerak”.
Borrokan jarraitzeko asmoa
Patronalaren itxikeria zein langileen erabakitasuna aintzat hartuta, ELAk eta LABek borroka mantentzeko dei zuzena egin dute: “Bost greba handi eta gero, Bizkaiko Metalean borrokak jarraipena eduki behar du, gure helburuak lortu arte” adierazi du ELAk. "Hitzarmen duina sinatu arte ez da normaltasunik egongo Bizkaiko metalgintzan" ziurtatu du LABek.
ELA, LAB eta ESKk Eusko Jaurlaritzako Ekonomia, Lan eta Enplegu Sailaren proposamena errefusatu dute, nahikoa ez dela arrazoituta. 100 egun baino gehiago daramate lorezainek greban.
Lurraldeko erresidentzietan eta eguneko zentroetan 5.000 langile daude, eta horietako %40k borondatezkoak ez diren kontratu partzialak dituzte. Aldundiari dagokion ardura hartzeko eskatu dio ELA sindikatuak.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Gasteizko lorezainen eta udalak azpikontratatutako enpresaren arteko negoziazioak uztailaren 7an hasiko dira Eusko Jaurlaritzaren bitartekaritzarekin.
BSHko langileek mobilizazioa egin dute larunbatean Iruñean, eta Billabesetako langileen babesa jaso dute. Billabesetako langileek manifestazioa burutu dute egun berean. BSHko langileeak enpresaren Bruselako egoitzan bilduko dira astelehenean, Europako Batzordeko Enplegu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Hiru eguneko greba egin zuten ekainean eta enpresak ez ditu bete adierazitako konpromisoak. Horien artean zegoen udako oporren hutsuneak betetzea, CCOO sindikatuak azaldu duenez.
Sanferminak ate joka, Iruñeko eta Iruñerriko garraio publikoko autobus gidariek greba mugagabeari ekin diote asteazkenean. Lanuzteak jaietan izango duen eraginaren aurrean, Iruñerriko Mankomunitateak gutxieneko zerbitzuak ezarri ditu: Sanferminak hasi... [+]
Sindikatuaren arabera Gasteizko garraio publikoko konpainiak bazekien langileak osasun arazoak zituela, eta "presioaren ondorioz" ekainaren 23an istripu larria izan zuen.
Asteartean eginiko bozketan, enpresako zuzendaritzak eginiko proposamenari uko egin eta grebari eustea erabaki dute Iruñeko garraio publikoko autobus gidariek. Iruñerriko Mankomunitateak sanferminetan %70ko gutxieneko zerbitzuak eskaintzea proposatu du.
Zuzendaritzak aurkeztutako Enplegu-erregulazioko espedientea (EEE) atzera bota eta "irtenbide bat bilatzeko negoziaketak hasteko helburuz", Agurain eta Legasako ArcelorMittal enpresako langileek greba mugagabeari ekingo diote.
Hilabeteetako protesten ostean, TCC enpresako zuzendaritzak ez du aurrera urratsik egin eta langileek leher egin dute. Greba mugagabera doaz, baita sanferminetako ez ohiko zerbitzuetan ere. “Enpresak erantzukizunez jokatuko balu saihestu litekeen zerbait” dio langile... [+]
ESK eta LAB sindikatuek jakinarazi dutenez, lorezainek greba egiteko duten zilegitasuna aldarrikatu nahi izan dute ekintza ikusgarri honen bitartez. PSE eta EAJren gobernu-taldea seinalatu dute erantzule nagusi gisa, "Green Capital markaren atzean hiriaren ikurra zaintzen... [+]