Duela astebete enplegua desegiteko erregulazio espedientea sinatu zuen La Navaleko konkurtso-administratzaileak eta likidazio horri helegiteak jartzeko aukera otsailaren 13an amaituko dela jakinarazi du langileen ordezkariak.
La Navaleko langileek Espainiako Gobernu ordezkaritzak Bilbon duen egoitzatik PSOEren egoitzarainoko ibilbidea egin dute ostegun honetan, ordubetez euripean. Horren ostean jaso dute berria enpresa batzordearen ordezkariaren eskutik: otsailaren 13an ontziola erosteko epea zabalduko da eta likidazioa azken fasean sartuko da.
Horren aurrean, Eusko Jaurlaritzari eta Espainiako Gobernuari exijitu diete eros ditzatela instalazioak, 173 langileren lanpostuak ez ezik, Ezkerraldeko ehunka familien oinarri ekonomikoa horren baitan egon daitekeelako.
Urtarrilaren 17an enplegua desegiteko erregulazio espedientea akordiorik gabe sinatua izan ondoren, astelehenean erabaki zuten langileek mobilizazioen egutegia, eta lehen hitzorduetako bat Espainiako Gobernua eta alderdi sozialista presionatzeko izan da. Enpresa batzordeko kideek Idoia Mendia PSE-EEko idazkari nagusiari eskatu diote publikoki eman dezala iritzia erregulazio espedientearen inguruan, eta gogorarazi dute ontziolara “argazkia ateratzera” joan zela.
Madrilera, Kongresuaren ateraino
Asteartean, berriz, Espainiako Estatuko Aurrekontu Orokorrak eztabaidatzen diren egunean, Espainiako Kongresu aurrean elkarretaratzea egingo dute. Hain zuzen, Unidos Podemosek Reyes Maroto Industria ministroaren agerraldia eskatu du etxe horretan bertan, honek La Navaleko langileekin zuen bilera bat azalpenik gabe bertan behera utzi zuelako.
Langileek Ezkerraldeko herritarren babes osoa dute, mobilizazioetan ikusi ahal izan denez. Astelehenean Santurtzi, Sestao, Portugalete eta Barakaldoko alkateekin batera bilduko dira, kaleratzeen eta ontziolaren itxieraren kontrako jarrera azaldu eta Kongresu aurrean egingo duten bilkuran babes instituzionala izateko.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.