Adolfo Muñozek eta Ainhoa Etxaidek jakinarazi dutenez, bi sindikatuez gain, 20 erakunde sozial eta sindikal baino gehiagok babestuko dute manifestazioa.

Euskal kutxen bankarizazio prozesuan “atzera martxa” egiteko exijitu nahi dute mobilizazioaren bidez. Sindikatuetako ordezkarien ustez, "gezurra" da Kutxabanken pribatizazioa derrigorrezkoa denik eta uste dute haren gaineko kontrol publikoa indartzea beharrezkoa dela.

Euskal finantziazio sistema publikoa eraikitzea eskatu dute. “Euskal Herriko aurrezkiak eta kredituak kudeatzea ahalbidetuko duen" sistema publikoa eskatu du gehiengo sindikalak, "pertsonen eta gizartearen mesedetan”.