Administrazio kontseilua (EAJ, PP eta PSEren ordezkariez osaturik) Bilboko epailearen eskariz bildu da. Hala, Mario Fernándezen ustezko delituaren berri fiskaltzari eman zion organoak orain ez du presidente ohiaren kontra egingo auzitegietan. Kutxabankek Mikel Cabieces Espainiako delegatu ohiari emandako 243.000 euroak itzuli zituen Fernándezek irregulartasun horren berri eman ziotenean, eta bankuak berak onartu du ez dela "galera ekonomikorik" egon.

Orain fiskalaren eskuetan dago auziarekin aurrera jarraitzea, naiz eta jadanik esana duen "galera ekonomikorik" ez egoteak ez duela esan nahi deliturik egon ez denik. Baina kaltetuaren akusaziorik gabe auzia artxibatzea errazagoa luke Fernándezek.