Kubak COVID-19aren aurkako txerto propioa garatuko du

  • Uhartea fase berri batera igaro da COVID-19aren aurkako txertoaren bila, ziurrenik datorren urterako prest izanen duena. Soberana izena izango du, herrialdearen burujabetasuna aldarrikatu asmoz.


2020ko abuztuaren 20an - 10:51
Soberana txertoa. Argazkia: Agencia Cubana de Noticias

Kubako ikertzaileek aurrera egin dute COVID-19aren aurkako euren txerto propioaren garapenean. Agencia Cubana de Noticiasek aditzera eman duenez, abuztuaren 24an proba klinikoen fasera pasako dira, baina behin betiko emaitzak ez dira 2021eko otsailera arte argitaratuko.

Egutegia Saiakuntza Klinikoen Kubako Erregistro Publikoan dago argitaratuta, eta bertan adierazten dutenez, bi dosiko Soberana txertoa proba fasean sartuko da datorren astean. 19 eta 80 urte bitarteko 676 pertsonek hartuko dute parte saiakera klinikoan.

Finlay de Vacunas Institutua arduratuko da entseguez, eta urtarrilaren 11 arte arituko dira horretan. Emaitzak otsailaren 1ean egongo dira eskuragarri, baina ez dira hilabete bereko 15. egunera arte argitaratuko.

Miguel Diaz-Canel Kubako presidenteak proiektuaren aurrerapenak txalotu ditu, bertako adituek larrialdiari ere erantzun medikoa emango diotelakoan. Agintariak “txerto propioa izatearen garrantzia” defendatu du, subiranotasun kontua delako.

Kubako Osasun Ministerioak orain arte 3.408 positibo ditu erregistratuta uhartean, asteartean 44 positibo berri atzeman ostean. Guztira 524 pertsona daude ospitaleratuta gaixotasunaren ondorioengatik, eta 88 dira hildakoak.


Kanal honetatik interesatuko zaizu: Covid-19ren biharamunari so
2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


2022-04-12 | ARGIA
Downing Streeten pandemia garaian festak egiteagatik isuna jaso du Boris Johnsonek

Azkenean isuna iritsi zaio Boris Johnson lehen ministro britainiari, pandemia garaian egindako festekin COVID-19ko arauak urratzeagatik. Bere emazte Carrie eta Rishi Sunak Altxorraren idazkaria ere zigortutako 50 pertsonen artean daude.


2022-04-06 | ARGIA
Apirilaren 20tik aurrera Hego Euskal Herrian ez da maskararik beharko barrualdeetan

Aste Santuaren ondoren, apirilaren 20tik aurrera, maskara erabiltzea ez da nahitaezkoa izango barrualdeetan, ospitaleetan, erresidentzietan eta garraio publikoan salbu. Nafarroako Gobernuak eta Eusko Jaurlaritzak hala eskatu zuten.


2022-02-11 | ARGIA
Osasun larrialdiaren amaiera iragarri du Jaurlaritzak

Horren arabera, datorren astelehenetik aurrera, orain arte COVID-19ari aurre egiteko neurriak bertan behera geratuko dira Eusko Jaurlaritzaren eskumeneko alorretan. Labi bera ere desegin egingo dute.


COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


Eguneraketa berriak daude