Koronabirusaren aitzakian gertatzen ari den polizia-indarkeria ikertzeko eskatu dute
Egunotan sare sozialetan ikusten ari garen irudiak dira: polizia geldi dagoen herritarra jotzen, edo lurrera botatzen, indarkeria baliatuz mobilizatzen, kalean dagoena gogor iraintzen edo haren aurka oldartzen… Alarma egoera hau polizia-indarkeria baliatzeko aitzakia ez dela gogoratuz, ekintza hauek guztiak ikertzeko eskatu dio plataforma batek Espainiako Barne Ministerioari.
Koronabirusaren krisi garaiotan, justifikatu gabeko indarkeria desproportzionala ari dira erabiltzen polizia agenteak eta hori da Defender a quien Defiende (Defendatzen duena Defendatu) plataformaren salaketa, El Saltok jaso duenez. Hainbat elkartek (tartean giza eskubideen aldeko borrokan ari direnak) osatzen dute plataforma eta Barne Ministerioari helarazi diote kexa, eskutitz batean. “Ekintza hauen guztien ardurak ikertzeko eta argitzeko barne-bideak erabiltzea” eskatu diote.
Michelle Bachelet Nazio Batuen Erakundeko Giza Eskubideen ordezkariak ere ohartarazia du larrialdi egoera ezin dela erabili errepresiorako, osasuna babestearen aitzakian. Herritarron eskubide oinarrizkoenak bermatu beharko lirateke, azken finean.
Ikusten baduzu, grabatu
Poliziaren ekintza hauek sare sozialetan salatzen ari direnek deia egin diete herritarrei, halakoak ikusten badituzte grabatzeko, ekintza horiek guztiak jasota gelditu daitezen, dagokionari gero kontuak eskatu ahal izateko.
Gizonezkoa kolpatu zuen ertzain agentea kargutik kendu dute kautelazko neurriekin, eta gertakariak ikertzen ari da Ertzaintzaren Barne Arazoetarako Unitatea. Une hartan han ziren polizia agenteen jarrera ere aztertzen ari dira.
Ostiral goizean sare sozialetan zabaldutako bideo batean ikus daiteke nola pertsona bat eztabaidan ari den udaltzain eta ertzain talde batekin. Une batean, ertzainetako batek zartako indartsu batekin lurrera bota du, eta ondoren, lurrean utzita joan dira. Bideoa Irungo San Migel... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
Plataformak salatu du indarra neurriz kanpo erabiltzen dela migratzaileen eta arrazializatuen aurka, eta saltzaile ibiltarien aurkako jazarpena etengabe egiten dela, batez ere turismo handiko garaietan, oporraldietan.
Manifestazioa egingo dute ostegun arratsaldean, 19:30ean,... [+]