Kontseiluak elkarretaratzeak deitu ditu estatuen esku-hartzea salatzeko
Apirilaren 9an, euskararen normalizazioa helburu duten neurriak babesteko eta estatuen esku-hartzea salatzeko elkarretaratzeak deitu ditu Kontseiluak. Espainiako Gobernuaren ordezkari Carlos Urquijok mehatxatutako hamabi herritan protestak egingo dituzte udaletxe aurrean.
Arrasate, Basauri, Bergara, Errenteria, Galdakao, Lekeitio, Lezo, Oiartzun, Ondarroa, Otxandio, Tolosa eta Zarautzen (oraingoz behintzat), udaletxe aurreko plazetan elkartuko dira, eta eskuak koloreztatu ondoren, gelditzeko keinua egingo diete Espainiako eta Frantziako Estatuei.
Kontseiluak euskararen normalizazio prozesuaren aurkako estatuen esku-hartzeak salatu ditu, ez lehenengo aldiz gertatzen ari direlako, baizik eta aspaldiko erarik agerikoenean ari direlako, mozorrorik gabe.
Esku-hartzeen adibide dira Espainiako Gobernuak onartu duen LOMCE legea eta Frantziako Gobernuak Falloux legearen bidez ikastolen aurka duen jokaera.
Gipuzkoako Foru Aldundiak eta 46 udalek jasan dituzte Espainiako Gobernuak EAEn duen ordezkari Carlos Urquijok egindako mehatxuak eta salaketak. Kontratazioetan hizkuntza irizpideak ezartzen hasteagatik kontuak eskatu dizkie Urquijok.
Hainbat udali, tartean Eskoriatzakoa, Pasaiakoa, Ondarroakoa eta Erandiokoa, euskara planak bidaltzeko eskatu die.
Beste udal batzuei hizkuntza irizpideekin lotura duen edozein erabaki jakinarazteko agindua eman die.
Kontseiluak adierazi duenez ordea, hizkuntza ororen normalizazio prozesuaren gaineko erabakimena hizkuntza hori darabilen komunitateari baino ez dagokio, 1996ko Hizkuntza Eskubideen Deklarazio Unibertsalak aitortzen duenez. 2012an, eskubide horretan oinarrituta, Euskararen gutxienekoak zehazteko adierazpena dokumentua prestatu zuen Kontseiluak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.