Kolegio eta lizeo elebidunetan euskarazko ikasgaien alde egitea eskatu die Euskal Konfederazioak hautetsiei
Martxoaren 25ean izanen da EEPren biltzar nagusia, zeinetan aipatuko dituzten sail elebidunean euskaraz bideratu nahi lituzketen kurtsoak. "Hezkuntza Nazionalak erakutsiriko kontrako nahiakeriaren aurrean", euskarazko irakaskuntza defenditzea eskatu die hautetsiei euskalgintzako eragileak batzen dituen konfederazioak.
Frantziako legediari segi, frantsesezko eta euskarazko ikasgai orduen arteko "parekotasuna" errespetatu beharra dute irakaskuntza elebidun publiko zein pribatuko ikastetxeek. Lehen mailan parekotasuna errealitate baldin badute, kolegio zein lizeoetan oreka horretatik "biziki urrun" daude, frantsesezko irakaskuntzak argiki nagusitzen direlako. Hori horrela, beste behin alarma piztu du Euskal Konfederazioak, hautetsiei arduratsuki jokatzeko eskaera luzatuz.
Martxoaren 25ean egitekoa du bere biltzar nagusia Euskararen Erakunde Publikoak, aipagaietan ukanen dutela frantsesezko eta euskarazko ikasgaien banaketa. Egitura honen baitan dira Euskal Hirigune Elkargotik hiru ordezkari, baita departamendutik, Akitaniatik eta Frantziako Estatutik hiruna ordezkari, tartean Bordelako Akademiako errektorea. Egun horren garrantzia azpimarraturik, ondoko mezua luzatu die hautetsiei: "Oztopo administratiboen parean, makina erraldoia den erakundearen barne arrazoietatik at, Hezkunde Nazionalak erakusten duen kontrako nahikeriaren aurrean, baitezpada garatu behar duen euskararen irakaskuntza defendatu eta lehenetsi behar da".
Euskal Konfederazioak oroitarazi die ama eskolako murgiltze ereduaz gain, kolegio eta lizeoetan euskarazko orenen emendatzea dela "sail elebidunaren kalitatearen hobetzearen gakoa". Horrez gain, eskaintza hau lurralde osoan –hiriguneetan baita Ipar Euskal Herri barnekaldean ere– segurtatzeko beharra azpimarratu die euskararen alde dabiltzan egituren bateragune honek.
Euskararen Erakunde Publikoak (EEP) batzar orokorra izan du astelehenean 2024ko aurrekontua bozkatzeko. Alain Iriart, Euskal Elkargoko ordezkaria kontra bozkatu duen bakarra izan da.
2024 urte hastapenean adostuko du ondoko urteetarako hizkuntza politika Euskararen Erakunde Publikoak (EEP). Azken inkesta soziolinguistikoaren emaitzak eta EEPk 2050ari begira egindako aurreikuspenak esku artean, alarma gorria pizturik du euskalgintza sozialak: ezin da orain... [+]
Euskara 2050ean Ipar Euskal Herrian jardunaldia egin dute larunbatean Kanbon, eta Euskal Konfederazioak hizkuntza politika ausartak galdegin dizkie Ipar Euskal Herriko instituzioei. Pisu guztia euskalgintza sozialaren gain utzi beharrean, plangintza politiko bat egiteko eskatu... [+]
Zientzietako azterketa euskaraz egitea onarturik, aurten euskaraz egin ahal izan dute brebeta Seaskako ikasleek. Eskubide hori ikasle guziei zabaltzea eskatu du Euskal Konfederazioak. Bordaleko Akademiako Errektoretzak ez dio atea hetsi aukerari.
Larunbat honetan iraganen da manifestazioa Baionan, Azterketak euskaraz! eta Euskarari trabarik ez! leloak lehen lerroan jarriz. Hitzordua 17:00etan Suprefetura aitzinean jarri dute.